Wana ni Zla d’a Djivi d’a Luc mi b’irita 21:1 - Bible azumeina

¹ Jesus mi hle iram akulo nga mi gol suma ndjondjoîna a nga tchuk he d’a hawa mazid’a kur zandu’â kur gong nga kud’ora hAlonid’a.

Wana ni Zla d’a Djivi d’a Luc mi b’irita 21:1 Kruisverwysings

1 Amuleina 14:26

Mi yo ndjondjoî d’a kur gong nga kud’ora hi Ma didinid’id’a ki ndjondjoî d’a kur azina hamulîd’a pet, mi yo mboriyo suma lor suma Salomon mi yorozina pet mi.

2 Amuleina 12:9

Ma ngat buzuna Jehojada mi hle zandu’â, mi tchom vunam ndulung, mi tinim go ki yima ngal ahle suma ngat buzuna ata gonga abot ma ndjufâ ata yima suma a kal kuana. Suma ngat buzu suma a nga ngom vun agre’îna a nga tchuk bege d’a pet ta suma a nga mba ki sed’et kur gonga hi Ma didinid’a kur zanduk máma.

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.

Nehemi 13:13

An he sun nda ngom ahlena nabo ma ngat buzuna Selemiya, Sadok ma b’ir mbaktumba ki Pedaya ma aduk suma hi Levi-nina, zlapa ki ma nga mi le sunda ki sed’ezina Hanan Zakur gorom ma Mataniya gorom ngolonina, kayam azi ni suma iratna. Ni azi ba, an tinizi á b’rau ahlena mi b’oziyozina.

Matiye 27:6

Wani nglo suma ngat buzuna a yo bege ndata, a dala: Gat meid’a arei nga lovota á tchuk bege ndata kur zanduk ma nga kur gong nga kud’ora hAlonid’ina d’i, kayam me ni bege d’a buzuna.

Wana ni Zla d’a Djivi d’a Luc mi b’irita 20:47

Azi tahlena harop suma modonod’a, a nga tchen Alona tchen nda fiyaka á mbut tazi djivid’a avok suma. Sum ndazina a mba kazi sariyad’a kazi ngola kala.

Jean 8:20

Jesus mi de zla ndata nata yima a tchuk bege d’a he d’a hawad’a kuana kid’a nga mi hat suma kur gong nga kud’ora hAlonid’a, wani sa tin nga abom atam mbi, kayam yi máma mi ndak nga biya d’i.

Josue 6:19

Bege d’a hapa ki lora kahle suma a lazi ki kawei ma hleunina d’oze suma a lazi ki kawei ma wuranina nahle suma a tinizi irazi vazi mi Ma didinina, a mba tchuguzi ni kur yi mam ma ngom ahlena.

Josue 6:24

A ngal azì ma ngol máma woi kahle suma kuruma pet; a arî bege d’a hapa ki lora kahle suma a lazi ki kawei ma hleunina d’oze ahle suma a lazi ki kawei ma wuranina hol, a tchuguzi kur yima ngom ahlena hi Ma didinina.