Wana ni Zla d’a Djivi d’a Luc mi b’irita 20:14 - Bible azumeina

¹⁴ Wani kid’a suma sunda a wumba, a de tazi ala: Ma wana ni ma te djona; ei tchizi woyo, kayam djona arî meina.

Wana ni Zla d’a Djivi d’a Luc mi b’irita 20:14 Kruisverwysings

Sawal la giled’a 2:8

Ang tchenenu, an mba ni hang andjaf suma djona, ang mba te yam suma yam andagad’ina pepet.

Sawal la giled’a 89:27

Mam mba mi yan ala: Angî abunu! Alo mana, angî ahina d’a sud’unda!

Matiye 16:7

Mam suma hata a nga de tazi ala: Mi de hina ni kayamba ei yoi nga avungôna aboi d’uo d’a.

Matiye 21:25

Ma sunï Jean ma le suma batembina, nAlona d’oze ni suma zu? Azi nde tchi tazi gagad’a ala: Le ei dei wa ala: Alona mi sunumï ni mamu ni, mam mba dei ini ala: Ni kayam me ba, agi hagi gagazid’a kam mbuo ge?

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Wana ni Zla d’a Djivi d’a Luc mi b’irita 20:13

Sala asine guguzlud’a mi dala: An le ni nana ge? An mba ni sun goron ma hurun vum heîna; dam azi mba lum zulom kla.

Wana ni Zla d’a Djivi d’a Luc mi b’irita 20:15

Azi vumu, a tchumu, a gum mbei bugol asine ma guguzlud’a. Na ni sala asine máma mba mi lazi ni nana ge?

Wana ni Zla d’a Djivi d’a Luc mi b’irita 20:19

Ata yi máma, nglo suma ngat buzuna azi ki suma hat gata a hal á ve Jesus, kayam azi wala mi de zla d’a d’ogol ndata ni kaziya, wani azi le mandara suma.

Wana ni Zla d’a Djivi d’a Luc mi b’irita 20:5

Azi nde tchi tazi gagad’a ala: Le ei dei wa ala: Alona mi sunumï ni mamu ni, mam mba dei ini ala: Ni kayam me ba, agi hagi gagazid’a kam mbuo ge?

Wana ni Zla d’a Djivi d’a Luc mi b’irita 22:2

Nglo suma ngat buzuna azi ki suma hat gata a nga hal lovota á tchi Jesus, wani a nga le mandara suma.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.