Wana ni Zla d’a Djivi d’a Luc mi b’irita 20:10 - Bible azumeina

¹⁰ Kid’a vun simetna mbad’a, mi sunï azong mama gen suma sun ndazina, kayam azi humï vud’a guguzlud’a. Wani suma sunda a to azong mama, a gum abom hawa.

Wana ni Zla d’a Djivi d’a Luc mi b’irita 20:10 Kruisverwysings

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

2 Amuleina 17:13

Wan pî, Ma didina mi sun mam suma djok vuna pet ki suma a nga wahle suma a nga mbana pet á ge hum Israel-lâ ki suma Juda-na kad’enga ala: Agi hulongôgiya, agi aragi sun magi d’a tchod’a woyo, ar agi gagi yagi kä ad’u vun man ma hed’a ki zla manda, ar agi tid’igi yam gat ta an he vuna kat mabuyogi ngolo avun azungeî man suma djok vuna ki hurugi pet mi.

1 Sunda Hamuleinid’a 19:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi ad’uzi djudjum mi. Bugola, mi yagazi akulo.

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Nehemi 9:30

Ang ve tang ki sed’ezi kur bizad’a ablaud’a, ang gigid’ezi ki Muzuk mangâ ki mang suma djok vuna mi. Wani azi tin nga humazi d’i. Ata yi máma ang hazi woi abo andjaf suma dingâ.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 20:2

Ata yi máma mi to Jeremi, mi vum mi gum aleina asem avun agrek ma akulo nding ma Benjamin ma kur gong nga kud’ora hi Ma didinid’ina.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Jeremi 5:24

A nga de kuruzi hina ala: Ar ei lei mandara Alo mei ma nga mi sei alo ma avo’â ki ma danana ata yama ma nga mi ngomei bur ma mi ngam á dutina d’i.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 20:11

Mi sunuzï azong ma dingâ kua; azi tomu, a lazamu, a gum abom hawa.

Wana ni Zla d’a Djivi d’a Luc mi b’irita 20:9

Jesus mi de zla d’a d’ogol la wanda mi suma ala: Sana mi pe guguzlud’a kur asinemu, mi hat abo suma a le sunda kuana, mi i yam andaga d’a d’inga á kak sä kua ngola.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Romê-na 7:4

Kayam ndata, b’oziyona, ata yima agi zlabagi tu ki hliu tad’a hi Christ-sîna, agi bogi woi ata gata. Ki tchetchemba, agi mbud’ugi ni suma hi sama dingîna, nala, hi mam ma tchol akulo aduk suma matnina. Hina, ei lei sun nda djivid’a yam Alona.