Wana ni Zla d’a Djivi d’a Luc mi b’irita 2:9 - Bible azumeina

⁹ Malaikana hi Salad’ina mi nde woi iraziya, subura hi Salad’id’a ti b’o kaziya; suma pola a le mandarâ ngola.

Wana ni Zla d’a Djivi d’a Luc mi b’irita 2:9 Kruisverwysings

1 Amuleina 8:11

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî gong mamba.

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Buzuk ka Abud’a 16:7

Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Ezekiyel 3:23

An tchola, an i kur hora. Gol wani, subura hi Ma didinid’a nga tchola d’igi sana na hle tat d’igi subur ra an wat avun alum ma Kebar-rid’a na. Ata yi máma an ge tan kä avoromu.

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Wana ni Zla d’a Djivi d’a Luc mi b’irita 1:28

Malaikana mi kal gevet mi dat ala: An gak depa. Alona mi vak wa sumad’a, Salad’a mi nga ki sed’egu.

Wana ni Zla d’a Djivi d’a Luc mi b’irita 2:8

Kur andaga ndata, suma pola a nga abageya, a nga ngom tumiyô mazina andjege.

Wana ni Zla d’a Djivi d’a Luc mi b’irita 24:4

Ata yima azi nga djib’er yam ahle suma a lenina, suma mbà a buzuk kei irazi ki baru d’a hap pa ngal wiwilika ataziya.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Sunda hi suma a sunuzinid’a 12:7

Ata yi máma, malaikana hi Salad’ina mi nde tam mbei gen Pierre, b’od’a b’o kur gong nga dangeina. Mi tum Pierre fefed’emu, mi zlid’im akulo, mi dum ala: Ang tchol akulo atogo. Kindjing ma aboma mi tchuk kä.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

Sunda hi suma a sunuzinid’a 5:19

Wani malaikana hi Salad’ina mi mba andjege, mi mal vun gong nga dangeina woyo. Mi buzuguzi woi abua, mi dazi ala:

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 12:21

Azi le mandara ngola abo vama azi wuma, gak Moise pî mi dala: An nga ni le mandarâ, ni zlak mi.

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.