Wana ni Zla d’a Djivi d’a Luc mi b’irita 2:4 - Bible azumeina

⁴ Josef mi tcholï kur azì ma ngol ma Nazarat ma Galile-na, mi i yam andaga d’a Jude-d’a kur azì ma ngol ma a yum ala Betelehem ma ni yima a vut amul ma ngolâ David kuana, kayam Josef tamba nandjafâ hi David-na.

Wana ni Zla d’a Djivi d’a Luc mi b’irita 2:4 Kruisverwysings

Ad’u Tinda 35:19

Rachel ti mid’a; azi tozot avun lovot ta i Efrata-d’a, nala, Betelehem.

Ad’u Tinda 48:7

An nga ni le na ni yam asung Rachel. Kid’a an tcholï Padan-Aram-mba, ti mba d’i mit abon glovot yam ambas sa Kanan-nda, ar go a kal Efrata. An tozot sä avun lovot ta i Efrata-d’a. Efrata ni Betelehem.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Wana ni Zla d’a Djivi d’a Luc mi b’irita 2:3

Nge nge pî mi i yam andaga mamba á b’ir simiyêm kur mbaktumba.

Wana ni Zla d’a Djivi d’a Luc mi b’irita 2:5

Mi i á b’ir simiyêm ki Marie d’a mam nga mi d’umuta. Ti nga ki wirâ.

Wana ni Zla d’a Djivi d’a Luc mi b’irita 4:16

Jesus mi mbaza Nazarat kur azì ma mi wul kuana. Mi kal kur gong mazi d’a toka kur bur ma sabatna d’igi nga mi le teteu na. Mi tchol akulo á ndum mbaktumba ki delem akulo.

Jean 1:46

Natanayel mi dum ala: Na ni vama djivi mi ndak á ndeï woi kur Nazarat tchu? Filip mi hulong dum ala: Ang mbeï gola.

Jean 7:42

Mbaktumba hAlonid’a ti dala: Mesi mba mi ndeï nad’u andjafâ hi David-na kur azì ma Betelehem ma David mi kak kuana d’uo zu?

Wana ni mbaktum mba a b’irit yam Rut-ta 1:19

Azi i ad’u tazi gak azi mbaza Betelehem. Kid’a azi mbaza Betelehem-mba, suma hurazinina pet a mbut batuwak. Aropma a dala: Wana ni Naomi ko!

Wana ni mbaktum mba a b’irit yam Rut-ta 2:4

Bugola, Bowas mi tcholï Betelehem, mi mba mi de mi suma ze awuna ala: An gagi depa; ar Ma didina mi kak ki sed’egiya! Azi hulong dum ala: Ar Ma didina mi b’e vunam kang mi!

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

Wana ni mbaktum mba a b’irit yam Rut-ta 4:17

Ndrot sumazina a dala: A vut wa gorâ mi Naomi, a yum ala Obed. Obed mi vut Jesse, Jesse mi vut David.

1 Samuel 16:1

Ma didina mi de mi Samuel ala: Ni mindja ba, ang mba ar bei tchi yam Saul ma an pad’am mbei ala mi kak amul ma Israel-lâ d’uo na ge? Ang hle gugur mang nga mbulâ abongû, ang tchola; an nga ni sunung avo hi Jesse ma Betelehem-ma, kayam an fe nga amul ma nde irana aduk groma.

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?

1 Samuel 17:12

David ni Jesse goroma. Jesse ni ma Efraim ma nga kaka Betelehem mba Juda-d’ina; groma ná klavandi. Kur atchogoid’a hi Saul-la Jesse bizam ngola, mi djeng mamara mi.

1 Samuel 17:58

Saul mi djobom ala: Bäna gogorâ, angî gorâ hi nge na ge? David mi hulong dum ala: An nazong mangâ Jesse ma Betelehem-ma goroma.

1 Samuel 20:6

Le abung mi djib’er kan yam mba d’a an mbaza d’uo d’a ni, ang dum ala: David mi tchenen ngola ala an aram mam i avo hatam Betelehem atogo zak, kayam azi nga ki he d’a hawa d’a ngat buzuna kur bizad’a ki bizad’a d’a ngad’a yam ades ma lara ge petna.