Wana ni Zla d’a Djivi d’a Luc mi b’irita 19:44 - Bible azumeina

⁴⁴ Azi mba b’lagagi woi ki sum magina pet, a mba ar ahina yam ndrat akulo d’i, kayam me agi wagi nga bur ma Alona mi mba á ndjunugina d’i.

Wana ni Zla d’a Djivi d’a Luc mi b’irita 19:44 Kruisverwysings

Sawal la giled’a 137:9

Sama mba mi yo gro’â mi tchazi woi yam ahinad’ina, mi le furîd’a!

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 29:3

An mba ni nguyung ki kang mana d’uhl, an mba ni nguyung kahle suma fuyogei suma ndjola ata yina teteng, an mba ni mbu andaga akulo ad’ung nguyung ngei d’uhl mi.

Jeremi 11:23

Suma Anatot ndazina, sa mazi mba mi ar tu d’i, kayam an mba ni mba ki ndaka kazi kur biza d’a an mba ni mba á ngobozid’a.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Matiye 24:2

Wani Jesus mi hulong dazi ala: Agi wagi nga ahle ndazina pet tuo? Gagazi, an nga ni dagiya, ahina d’a a mba arat akulo yam ndrat ahinad’a bei hôt kä woid’a nga d’i.

Marik 13:2

Jesus mi hulong dum ala: Ang we ni gongîyo suma nglo ndazina zu? Ahina d’a a mba arat yam ndrat ahina d’a bei hôt kä woid’a nga d’i.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Wana ni Zla d’a Djivi d’a Luc mi b’irita 1:78

Alo meina nAlo ma we hohou mamba kal teglesâ, mba mi b’o yina kei ki b’o d’a akulod’a d’igi afata ti deî na,

Wana ni Zla d’a Djivi d’a Luc mi b’irita 19:42

Mi de mi suma kurâ ala: Ladjï agi wagi ini ala ni vama ndak á mbagi ki b’leng nga halasa ni, ni vama djivina kagiya, wani ki tchetchemba a ngeyem wa iragiya, agi ndak á wum mbi.

Wana ni Zla d’a Djivi d’a Luc mi b’irita 21:6

Burâ nga mi mba, ata yi máma, ahina d’a a mba arat akulo yam ndrat ahina d’a bei hôt kä woid’a nga d’i.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.