Wana ni Zla d’a Djivi d’a Luc mi b’irita 17:21 - Bible azumeina

²¹ A mba dala: Mi kä wana, d’oze, Mi sä wana na d’i. Agi wagiya, leud’a hAlonid’a ti nga adigagiya.

Wana ni Zla d’a Djivi d’a Luc mi b’irita 17:21 Kruisverwysings

Matiye 12:28

Wani le an dik muzuk ma teteng ma tchona woi ni kad’eng nga Muzu’â hAlonina mi handjid’a ni, Alona mi mba wa adigagi á te leu mamba yam andagad’a.

Marik 13:21

Ata yi máma, le sana mi dagi ala: Gola! Mesi mi kä wana d’oze ala: Gola! Mi sä wana ni, agi hagi gagazid’a kam mbi.

Wana ni Zla d’a Djivi d’a Luc mi b’irita 17:23

A mba dagi ala: Agi gologi sä hî, d’oze, Agi gologi kä wana. Agi tchologi d’i, agi igi ad’uzi d’uo mi.

Wana ni Zla d’a Djivi d’a Luc mi b’irita 21:8

Jesus mi dazi ala: Agi gologi tagi djiviya, ar sa mi vid’igi woi d’i. Kayam ablau suma a mba mba ki simiyênu, a mba dala: An ni Mesi máma, yi máma mi mba wa da’. Wani agi igi ad’uzi d’i.

Jean 1:26

Jean mi hulong dazi ala: An le suma batemba ni ki mbina. Sama agi wum nga d’uo na, mi nga tchola adigagiya,

Jean 18:36

Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.