Wana ni Zla d’a Djivi d’a Luc mi b’irita 16:27 - Bible azumeina

²⁷ Ma ndjondjoîna mi dala: Abunu, le hina ni, an nga ni tchenengû, ang sun Lazar avo habunu,

Wana ni Zla d’a Djivi d’a Luc mi b’irita 16:27 Kruisverwysings

Wana ni mbaktumba hi Job-pa 21:21

Le tilim ma a ngamzina mi dap wa da ni, bugola, vama ndolom ni me ki groma d’ei ge?

Wana ni mbaktumba hi Job-pa 42:10

Bugol la Job mi tchen yam buniyôma tchenda, Ma didina mi hulongôm tinda kur djivi mam mba adjeud’a. Mi hulong mi hum ahlena yam ahle suma mam nga ki sed’ezi adjeu suma a ba woina kam kua mbàmbà.

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Sawal la giled’a 37:10

Ar ndjö ang mba fe sama asa’atna d’i, ang mba hal yima mam kuana, ang mba fum mbi.

Sawal la giled’a 49:13

Wani sana kur subur mamba hina pet pî, nga mi kak didin ndi, mba mi mit ni d’igi ahle suma abageina a bo na mi.

Sawal la giled’a 52:5

Ang min tchod’a kal djivid’a, ang min zla d’a kad’a kal gagazid’a mi. Tchol ndjö

Ma tchi wala 2:18

An noî sun nda kau d’a an lat yam andagad’a ka hid’a woi pet tala mbeî an arat djivi mata mi sama mba mi vrak blangâna d’a.

Wana ni Zla d’a Djivi d’a Luc mi b’irita 16:26

Le hina d’uo pî, gring ma ngolâ mi nga adigeya. Suma a min á tchol ka hî á iza gevengîna a ndak ki, suma tchol sä hî á mba ka hî gevemina a ndak kuo mi.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.