Wana ni Zla d’a Djivi d’a Luc mi b’irita 16:1 - Bible azumeina

¹ Jesus mi de mi mam suma hata ala: Sama ndjondjoîna mi nga ki sa mam ma ngom ahlena. Suma a mba de mi salama ala: Sa mangâ nga mi b’lagang ahligiyeng ngeyo.

Wana ni Zla d’a Djivi d’a Luc mi b’irita 16:1 Kruisverwysings

Ad’u Tinda 15:2

Abram mi hulong dum ala: Salad’a Ma didina, djivid’a an mba ni fat kur ahle suma ang mba handjina ni me ge? Goron nga d’i; sama mba mi tan djona nazong mana Eliyezer ma Damas-sâ.

Ad’u Tinda 43:19

Ata yima azi mbaza avun azinina, a hut gen azong ma ngolâ hi Josef máma,

1 Sunda Hamuleinid’a 28:1

David mi tok suma avok Israel-lîna pet avo Jerusalem, nala, suma avok nadjavazina, suma avok adesâ hi azigar suma a le sunda hamulîna, suma avok azigar suma dudubuna, suma avok azigar suma kikisâ, suma avok suma a gol ahle suma djivina hamulâ ki d’uwar mama ki ma hi gromina, suma ngom aropma, grangâ ki suma gangrangâ mi.

Zla d’a d’ogolâ 18:9

Sama mi le sunda ndjondjôna ni sama b’lak yina wiyema.

Wana ni mbaktumba hi Oze-d’a 2:8

Kayam ndata, an nga ni tchak aweid’a woi kat kur lovot mata á d’elet lovota, an nga ni ngui gulumuna woi kat tala ti fe lovot mata bugol luo d’a.

Matiye 20:8

Kid’a afata nik dad’a, sala asine ma guguzlud’a mi de mi sama avunama ala: Ang i yï suma sunda, ang wuragazi yam sun mazid’a. Ang tin ad’ud’a yam suma danana gak mba yam suma a yozi avo’â.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Wana ni Zla d’a Djivi d’a Luc mi b’irita 15:13

Bugol burâ tcha, ma gorâ mi gus ahligiyem mbei pet, mi i yam andaga d’a deid’a. Mi b’lak bege mamba pet sä kua ata tcho d’a led’a.

Wana ni Zla d’a Djivi d’a Luc mi b’irita 15:30

Wani ata yima gorong ma mi b’lagang ahligiyeng ngei marop suma gaulangîna mi mba, ang tchum gor amuhl ma d’orâ!

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.

Wana ni Zla d’a Djivi d’a Luc mi b’irita 16:2

Salama mi yumu, mi dum ala: Ni zla me an humut kang na ge? Ang ndumun ahle mana, ang dok kak sama ngom ahle mana d’uo d’a.

Wana ni Zla d’a Djivi d’a Luc mi b’irita 19:20

Azong ma dingâ mi mba, mi dum ala: Salana, gola! Bege d’a lor mang nga tud’a wana; an ngomot gita ki barud’a.

Wana ni Zla d’a Djivi d’a Luc mi b’irita 8:3

Jan atchad’a hi Kuza ma nga mi ngom ahlena hi Herot-nina ki Suzan karop suma dingâ ablaud’a. A nga ndjun Jesus azi ki mam suma hata kahle mazi suma djivina.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.