Wana ni Zla d’a Djivi d’a Luc mi b’irita 15:6 - Bible azumeina

⁶ Ata yima mi kal avo hatama, mi yi buniyôma ki ndroma, mi dazi ala: Agi mbeyegïya! Agi lagi furîd’a zlapa ki sed’enu, kayam an fe wa timi man ma vit teina da’.

Wana ni Zla d’a Djivi d’a Luc mi b’irita 15:6 Kruisverwysings

Sawal la giled’a 119:176

An vit tei d’igi timi ma vit teina na; ang halan an azong mangâ, kayam an mar nga yam vun mang ma hed’a d’i.

Wana ni Zla d’a Djivi d’a Luc mi b’irita 1:58

Ndrot sumazina ki b’oziyotna, a hum zla we hohou d’a ngol la Salad’a mi wat hohowota, a le furîd’a zlapa ki sed’et mi.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni Zla d’a Djivi d’a Luc mi b’irita 15:24

Kayam goron ma d’igi mi mit ni woi na na, mi zlit wa; mi vit teyo, an fum wa da’. A nde á le furîd’a.

Wana ni Zla d’a Djivi d’a Luc mi b’irita 15:5

Le mi fum wa ni, mi hlumï kelem ki furîd’a.

Wana ni Zla d’a Djivi d’a Luc mi b’irita 15:7

An nga ni dagiya, hina mi, a mba le furîd’a sä akulo yam sama tu ma tcho ma mi mbut hurum yam tcho mambina kal suma dok zlengâ yam zlengâ suma d’ingêr suma a min mbut huruzi yam tcho mazid’a d’uo na.

Jean 15:14

Le agi nga lagi ahle suma an hagi vuna kazina ni, agi ni buniyôn suma kokodjona.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 15:3

Kid’a suma toka a tinizi dad’a, a kal yam andaga d’a Finisi-d’a ki d’a Samari-d’a. A nga vazi ad’ud’a ni nana ba, andjaf suma dingâ a mbut huruzi mAlona ge. B’oziyoina pet a le furîd’a ngola.

Filip-ma 1:4

Kur tchen manda pet, an nga ni tchen Alona kagi ki furîd’a,

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

1 Tasaloni’â 2:19

Ni me ba, ni hur ma tin mamina ki furî mamid’a ki subura hi kus mamid’a avok Saleina Jesus kur bur ma mba mamba ge? Ni agi d’uo zu?

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.