Wana ni Zla d’a Djivi d’a Luc mi b’irita 15:2 - Bible azumeina

² Fariziyêna azi ki suma hat gata a nga gureî ala: Sa máma mi yo suma tchona, mi nga mi te ki sed’eziya.

Wana ni Zla d’a Djivi d’a Luc mi b’irita 15:2 Kruisverwysings

Matiye 11:19

An Gor Sana ni mba, nga ni te, nga ni tche. Suma a nga dala: Gola! Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina. Wani ned’a hAlonid’a ti tak kei ala ndat ni d’ingêru ni ki sun mat ta led’a.

Matiye 9:11

Kid’a Fariziyêna a we hina d’a, a de mi mam suma hata ala: Ni kayam me ba, magi ma hat suma nga mi te tena ki suma ve lombod’a azi ki suma tchona mi ge?

Wana ni Zla d’a Djivi d’a Luc mi b’irita 15:3

Jesus mi dazi zla d’a d’ogola ala:

Wana ni Zla d’a Djivi d’a Luc mi b’irita 19:7

Kid’a suma a we hina d’a, a nga kud’os tazi ala: Mi i ka’î avo hi sama tchona.

Wana ni Zla d’a Djivi d’a Luc mi b’irita 5:30

Fariziyêna azi ki mazi suma hat gata, a nga kud’os mam suma hata ala: Ni kayam me ba, agi tagi tchagi ki suma ve lombod’a azi ki suma tchona ge?

Wana ni Zla d’a Djivi d’a Luc mi b’irita 7:34

An Gor Sana ni mba, nga ni te, nga ni tche. Wani agi nga dagi ala: Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina.

Wana ni Zla d’a Djivi d’a Luc mi b’irita 7:39

Kid’a Fariziyê ma yum yam tenina mi we hina d’a, mi de kurum ala: Sa máma ladjï ni ma djok vun Alona gagaziya ni, mi we wa atcha d’a domba, mi wat wa tit mata, kayam ndat natcha d’a tchod’a.

Sunda hi suma a sunuzinid’a 11:3

Ni kayam me ba, ang kal avo hi suma bei ngat bayâd’a, ang te ki sed’ezi mi ge?

Galat-na 2:12

Kayam avok ka suma Jacques mi sunuzina a nga bei mbad’a tua d’a, mam nga mi te tena ki b’oziyoi andjaf suma dingâ. Wani ata yima azi mbazina, mam wal tam mbei bei te tena ki sed’ezi kayam mi le ni mandara suma a min ngat andjaf suma dingâ bayâd’ina.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,