Wana ni Zla d’a Djivi d’a Luc mi b’irita 14:13 - Bible azumeina

¹³ Wani ata yima ang le te ma lunina, ang yi ni suma houd’a ki suma homozed’a ki suma dileîd’a ki suma duka.

Wana ni Zla d’a Djivi d’a Luc mi b’irita 14:13 Kruisverwysings

2 Samuel 6:19

Bugola, David mi b’rau tena mablaud’a hi Israel-lâ pet; andjofâ karopma nge nge pî David mi hum avungô ma gureina ki hliu ma sora kades guguzlu d’a sod’a. Suma pet a b’rawa, nge nge pî mi i avo hatamu.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Nehemi 8:12

Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.

Wana ni mbaktumba hi Job-pa 29:13

Suma a nga lá matnina, b’e vun mazina mi djok kanu, an le atcha d’a modonod’a tat djivid’a, ti le hur ma hapma mi.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Isai 58:10

le agi hagi te magina tamba mi sama meid’a tchuma, le agi hobogi ma kid’aka ni, b’o magid’a mba d’i kal akulo yam nduvunda, nduvun magid’a mba d’i mbut ni d’igi afat ta falei d’ad’ara na mi.

Isai 58:7

agi b’rawagi te magina ki suma meid’a tchazina, agi vagi suma hou suma a nga ki yima kaka d’uo na avo hatagi mi. Le agi wagi sana gandilad’a ni, agi zlubum baruna atamu, agi hagi azigagi mi simiyêgi d’uo mi.

Matiye 15:30

Ablau suma a mba gevem ki suma dileîd’a azi ki suma duka ki suma gugutud’a ki suma ndumîd’a ki suma ding suma tugud’eid’a ablaud’a mi. A tchugumzi kä avoromu, mi sud’uziya.

Matiye 22:10

Azungeî mama a i vun lovota, a togï suma pet suma azi fazina, suma djivina ki suma tchona. Hur gong nga tela ti oî ki suma.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Wana ni Zla d’a Djivi d’a Luc mi b’irita 14:12

Jesus mi de mi sama mi yum yam tenina ala: Ata yima ang le te ma faleina, d’oze ma fladegenina, ar ang yi ni buniyôngâ d’oze b’oziyongâ d’oze simiyêng ngoze ndrong suma ndjondjoîna d’i, dam azi mba yang avin balum te mangâ kla.

Wana ni Zla d’a Djivi d’a Luc mi b’irita 14:14

Ang mba le furîd’a, kayam azi nga ki vama a hangzi balum mbi. Alona mba mi wuragang kur bur ma a mba tchol suma d’ingêrâ akulona.

Wana ni Zla d’a Djivi d’a Luc mi b’irita 14:21

Azong máma mi hulongâ, mi de zla ndata mi salama. Ata yi máma, salama hurum mi zala, mi de mazong mama ala: Ang i atogo kur lovot ta ngola kangrazina, ang mbeï ki suma houd’a ki suma homozed’a ki suma duka ki suma dileîd’a mi.

Sunda hi suma a sunuzinid’a 9:39

Pierre mi tchol atogo zak, mi i ki sed’eziya. Kid’a mi mbad’a, a i ki sed’em kur gong nga yam ndrata akulod’a. Arop suma modonod’a pet a hut gevem a nga tchiya, a nga tagam baru d’a gureid’a ki d’a nglod’a suma Dorkas ti lazi kid’a ndat nga ki sed’ezi tua d’ina.

Gat ta a hat á mbàd’id’a 14:29

Ma hi Levi ma nga ki b’raud’a d’oze djo ma te ki sed’egi d’uo na, angeina, ma hokuyod’a, katcha d’a modonod’a suma a mba kak avo hatagina, a mba mba, a tumu, a hoba, kayambala Ma didina Alo magina mi b’e vunam kagi kur sun nda lara ge pet ta agi mba lat kabogid’a d’a.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Gat ta a hat á mbàd’id’a 16:14

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma.

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

Wana ni mbaktum mba Paul mi b’irit mi Tit-ta 1:8

Wani ni ma lakoina, ni sama le yam ahle suma djivinina, ni ma iram si’â, ni ma d’ingêrâ, ni ma mi tin iram vam mAlonina, ni ma ve tama.

Filemon 1:7

Wiyena, kayam o manga, tan ndi lan djivid’a heî; ti ndjunun mi, kayam ang b’leng hur suma hAlonina ngola.

Hebre-na 13:2

Ar agi maragi yam akoi ma led’a d’i. Ata le d’a hina d’a, suma dingâ a ve malaikana atazi bei a wazi ala a ni malaikana ba.