Wana ni Zla d’a Djivi d’a Luc mi b’irita 12:57 - Bible azumeina

⁵⁷ Jesus mi had’azi kua ala: Ni kayam me ba, agi tagi nga djib’eregi á wagi vama d’ingêrâ d’uo ge?

Wana ni Zla d’a Djivi d’a Luc mi b’irita 12:57 Kruisverwysings

Matiye 21:21

Jesus mi hulong dazi ala: Gagazi, an nga ni dagiya, le agi nga ki he gagazid’a bei gigrita ni, agi mba lagi ni vama le ki tuluma wana go d’i, wani le agi dagi mahina d’a wanda ala: Ndak pat tak ge tak kur alum ma ngolâ pî ni, mba d’i pat mi.

Matiye 21:32

Kayam Jean ma le suma batemba mi mba atagi á tagagi lovot ta d’ingêra, wani agi hagi nga gagazid’a yam zla mamba d’i. Wani suma ve lombod’a azi karop suma gaulangâ a he gagazid’a yam zla mamba. Wani agi tagi wagi ahle ndazina hina pî, agi mbud’ugi nga hurugi á hagi gagazid’a yam zla mamba d’uo mi.

Wana ni Zla d’a Djivi d’a Luc mi b’irita 21:30

Fata azi nde wa d’ufâ ni, agi wagi ala amenda mba wa go.

Jean 7:24

Ar agi kagi sariyad’a yam vama agi wagizi ki iragi hawa go na d’i, wani ar agi kagi ni sariya d’a d’ingêra.

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

1 Korente-na 11:13

Agi tagi kagi ir zla ndata. Le atchad’a nga d’i tchen Alona kur Toka bei zlup va kad’u ni, ni djivid’a zu?

1 Korente-na 11:14

Djib’er ra gagi ki d’a tata had’agi nga ala le mandjufâ mi ar tumus sa kamba fiyaka ni, ni zulona d’uo zu?

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.