Gagazi, suma pet a ni d’igi simet ma sana fom ki vunama na, suma pet ni suma ka zlad’a. Le a hlazi pet ni ki kilona ni, azi nafefeta kal simet ma sana fom ki vunama.
Fed’a hi sama ndjondjoînid’a ni d’igi azì ma ngol ma ad’eng ma ngunguna na, djib’er mamba ti ni d’igi gulumun ma fiyak ma mam ngei tam kua á kak ki halasina na.
Wani agi nga ayâgiya, agi nga lagi furîd’a, agi nga tchagi amuzleina, agi nga tchagi aho’â, agi nga mud’ugi hliuna, agi nga tchagi süm guguzlud’a, agi nga dagi ala: Ei teya, ei tcheya, avin ei boya!
Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.
Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.
Kayam ndata, a nga ngat buzuna mabei mazina, a nga ngal dubang ma his djivid’ina mabei mazina á lum ad’umu. Kayam ni mam ba, nga mi vigizi kuluf ma djivi ma mbulâ; te mazina nga mi zul mi.
Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.
Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.
Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.
Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.
Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.
Sa máma mi tin David ata yima azi nga kuana. Gol wani, suma Amale’â a b’rau nga woi ata yina teteng, a nga te, a nga tche, a nga le furîd’a kayam ahle suma nglo suma azi hurumzï kur ambas sa Filistê-d’a ki d’a Juda-d’ina.