Wana ni Zla d’a Djivi d’a Luc mi b’irita 12:1 - Bible azumeina

¹ Kur bur máma suma dudubu a tok gen Jesus, a nga miret taziya. Mi tin ad’ud’a de zlad’a avok mi mam suma hata ala: Agi gologi tagi djivi kangufa hi Fariziyênid’a, nala, lop ir mazid’a.

Wana ni Zla d’a Djivi d’a Luc mi b’irita 12:1 Kruisverwysings

2 Amuleina 7:17

Amulâ mi he vuna mi azigar ma ndjunum ma mam deng tam atama ala mi i mi ndjol vama nga mi läd’u su’â avun agre’îna, wani suma a nga mola ata yi mámina a miret azigar máma kä kaseziya, a tchum d’igi Elise sana hAlonina mi dum ata yima amulâ mba mi fuma na.

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Wana ni mbaktumba hi Job-pa 27:8

Tin hurâ hi sama tchonina ni me ata yima Alona mi kam ziyom mi hlum muzugam ge?

Wana ni mbaktumba hi Job-pa 36:13

Suma tchona a nga zut tazi kur ayîna, a nga yAlona á ndjunuzi ata yima mi djinizina d’uo mi.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Wana ni Zla d’a Djivi d’a Luc mi b’irita 11:44

Ni zla d’a hohoud’a kagiya, kayam agi ni d’igi asu d’a blas kä woi d’a suma a nga tit kat a nga wat tuo d’a na.

Wana ni Zla d’a Djivi d’a Luc mi b’irita 12:56

Agi suma lop ira, agi wagi simata handagad’id’a ki d’a hakulod’id’a, wani ni kayam me ba, agi wagi simat ta ka tchetchemba d’uo ge?

Wana ni Zla d’a Djivi d’a Luc mi b’irita 5:1

Bur tu Jesus mi nga tchola avun apo d’a Jenesaret-ta. Ablau suma a togï gevem á hum zlad’a hAlonid’a.

Wana ni Zla d’a Djivi d’a Luc mi b’irita 5:15

Wani zlam nde yina ngola. Ablau suma a togï gevem á humumu, á sud’uzi woi kur tugud’ei mazid’a mi.

Wana ni Zla d’a Djivi d’a Luc mi b’irita 6:17

Jesus mi tchugï asem kä ki sed’eziya, mi tchol ata yima kikid’i’â. Ni yima ablau mam suma hata a nga kuana. Ata yi máma, ablau suma a nga toka kua ngola mi. Azi ni suma Jude-na, suma Jerusalem-ma, suma a nga avun alum ma ngolîna, suma Tir-râ ki suma Sidon-na mi.

Sunda hi suma a sunuzinid’a 21:20

Kid’a azi hum zla mamba dad’a, a gile Alona, a dum ala: Wiyemina, ang we Juif-fâ ni dudubu suma a he gagazid’ina, azi pet tazi nga d’i lazi zlezleû yam gata hi Moise-sa.

1 Korente-na 15:3

An hagi ni vama kal tegles ma an vuma: Christ mi mit ni kayam tcho meid’a d’igi mbaktumba hAlonid’a ti de na;

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.