Wana ni Zla d’a Djivi d’a Luc mi b’irita 11:34 - Bible azumeina

³⁴ Irangî d’igi lalamba hi tangî na. Le irang nga lafiya ni, tang pet ni b’od’a. Wani le irang nga lafiya d’uo ni, tang pet ni nduvunda mi.

Wana ni Zla d’a Djivi d’a Luc mi b’irita 11:34 Kruisverwysings

Ad’u Tinda 19:11

a duk ir suma a nga abu avun azinina woi pet, gugureina ki suma nglona; azi nde hal vun azina pî, a fum mbi.

Sawal la giled’a 119:18

Ang malan iran ndeyo, kayam an wahle suma ndandal suma a nga kur gat mangina.

Sawal la giled’a 81:12

Wani sum mana a humun nga vunan ndi; Israel-lâ a minin nga d’uo mi.

Zla d’a d’ogolâ 21:4

Subur tad’a ki yam mba ad’enga a nga tak tchod’a hi suma asa’atnid’a woi d’igi lalamba nga d’i b’o na.

Zla d’a d’ogolâ 28:22

Sama d’od’oka nga mi b’at tam atogotogo á mbut tam ndjondjoîd’a, wani mi we nga d’ala mam mba mi nde ni kur houd’a d’a d’i.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 42:19

Ma duka ni nge ge? Nazong mana d’uo zu? Ma ngela ni nge ge? Ni ma an sunuma d’uo zu? Ma duk ma d’igi ma an sunuma na na ni nge ge? Ma ngel ma d’igi azongâ hi Ma didinina na na ni nge ge?

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Isai 5:20

Ni zla d’a hohoud’a yam suma a nga dala vama djivina ni vama tchona vama tchona ni vama djivina na, yam suma a nga vrak nduvunda balum b’od’ina suma a nga vrak b’od’a balum nduvundina mi na, yam suma a nga vrak vama aglarâ balum vama adjib’etnina vama adjib’etna balum vama aglarâ mi na.

Isai 6:10

Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Marik 4:12

D’igi mbaktumba hAlonid’a ti de na ala: Á gola azi nga gola, wani azi nga wad’ud’a d’i; á humba azi nga huma, wani azi nga humut ad’ut tala azi hut gen Alona, Alona mi vat hurum mbei yam tcho mazid’a d’a d’i.

Marik 7:22

mizeuna, d’od’oka, murud’umba, á mbut ira, batranga, yungôra, á ngul suma, yam mba ad’enga, ki lilid’a a buzugi ni kua.

Marik 8:18

Agi nga ki ira, wani agi nga wagi d’uo zu? Agi nga ki humba, wani agi nga humugi d’uo zu? Agi nga djib’eregi d’uo zu?

Wana ni Zla d’a Djivi d’a Luc mi b’irita 11:35

Kayam ndata, ang gol tang djivi yam b’o d’a nga kurunga, ar ti mbut nduvunda d’i.

Sunda hi suma a sunuzinid’a 13:11

Ang hum djiviya! Ki tchetchemba, Salad’a mba tumungû, ang mba duga, ar ndjö ang mba wafata d’i. Atogo hina zak, Elimas iram mbi mbut nduvunda, nga mi we yina d’i, nde mi tcha tata á hal sama gum dungûruna aboma.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

Efes-sâ 1:17

kayam Alona hi Saleina Jesus Christ Abui ma subura, mi hagi Muzuk mama á tagagi wad’ud’a á wum mbei tetet mi.

Efes-sâ 6:5

Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.