Wana ni Zla d’a Djivi d’a Luc mi b’irita 11:19 - Bible azumeina

¹⁹ Le an nga ni dik muzuk ma teteng ma tchona woi ni kad’eng nga Belzebul mi handjid’a ni, grogina a nga digim mbei ni kad’enga hi nge ge? Kayam ndata, azi mba mbut magi suma ka sariyad’a.

Wana ni Zla d’a Djivi d’a Luc mi b’irita 11:19 Kruisverwysings

Wana ni mbaktumba hi Job-pa 15:6

Ni zla d’a avunanga ba, ti kang sariyad’a kangû, nga ni an ndi. Ni vunang ba, mi le glangâs ma tchona kang mi.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Wana ni Zla d’a Djivi d’a Luc mi b’irita 19:22

Amulâ mi dum ala: Angî azong ma tchona. An nga ni kang sariyad’a kang yam zla d’a ndavunanga. Ang wala an ni sama ad’eng ma kal papana, an nga ni hle vama an tinim nga kä d’uo na, an nga ni fet awu ma an zaram nga d’uo na.

Wana ni Zla d’a Djivi d’a Luc mi b’irita 9:49

Jean mi hulong dum ala: Salamina, ami wami sana nga mi dik muzuk ma tchona woi ki simiyêngû. Ami d’elemu, kayam me nga mi tit ki ei d’i.

Sunda hi suma a sunuzinid’a 19:13

Wani Juif suma dingâ a nga, ni suma d’uweîd’a. Azi ni suma a nga dik muzuk ma teteng ma tchona woina. Azi tazi ki yazi a nga yi simiyê Jesus á dik muzuk ma teteng ma tchona woi kur suma. A de mi muzuk ma teteng ma tchona ala: Ami hagi vuna ki simiyê Jesus ma Paul nga mi tchum walama ala agi buzugugi woyo.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.