Wana ni Zla d’a Djivi d’a Luc mi b’irita 10:21 - Bible azumeina

²¹ Ata yi máma, Jesus mi le furîd’a ad’u ad’enga hi Muzuk ma bei tchod’a ba nid’a, mi dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a azi ki suma wed’a, wani ang tagazi woi mi gugureina. Gagazi, Abunu, ang tang lang djivid’a á le hina.

Wana ni Zla d’a Djivi d’a Luc mi b’irita 10:21 Kruisverwysings

Sawal la giled’a 24:1

Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 8:2

Ma didina, Salad’a, simiyêng ni ma kal tegles yam andagad’a petna. Ang nga tak ngol mang nga kal teglesa woi kur akulod’a.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 62:5

D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Matiye 21:16

a dum ala: Ang hum vama azi duma ko zu? Jesus mi dazi ala: Â! Agi ndumugi nga zla d’a a b’irit kur mbaktumba hAlonid’a yagi tu tala: Ang mba ar gugureina ki suma a nga tchapona a mba gilengû d’a d’uo zu?

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Marik 10:15

Gagazi, an nga ni dagiya, sama lara pî, le mi ge yam kä yam leud’a hAlonid’a d’igi gogorâ hina d’uo ni, mba mi kal kurut ti.

Wana ni Zla d’a Djivi d’a Luc mi b’irita 15:5

Le mi fum wa ni, mi hlumï kelem ki furîd’a.

Wana ni Zla d’a Djivi d’a Luc mi b’irita 15:9

Ata yima ti fatna, ti yi buniyôtna ki ndrotna, ti dazi ala: Agi mbeyegïya! Agi lagi furîd’a zlapa ki sed’enu, kayam an fe wa sile man nda vit teid’a da’.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.

2 Korente-na 4:3

Wani le Zla d’a Djivi d’a ami tchat walata nga ni ngeid’a ni, ni ngeid’a ir suma a nga ba woina hol.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.