Wana ni Zla d’a Djivi d’a Luc mi b’irita 10:2 - Bible azumeina

² Mi dazi ala: Awu ma feta nga ngola, wani suma le sunda akid’eid’a. Kayam ndata, agi tchenegi Sala awuna, kayam mi sun suma sunda á fet awu mama.

Wana ni Zla d’a Djivi d’a Luc mi b’irita 10:2 Kruisverwysings

1 Amuleina 18:22

Ata yi máma Elie mi dazi ala: An tu ni ma djok vuna hi Ma didina ma arâ, wani suma a djok vun Bäl-lâ a ni kikis fid’i yam dok vahl.

Sawal la giled’a 68:11

Alo mamina, yam djivi manga sum mangâ a nga kaka yam andaga d’a ang minit yam suma hohoud’id’a.

Jeremi 3:15

An mba ni hagi suma pol suma an hurun minizina. Azi mba pologi ki ned’a ki wad’ud’a mi.

Zakari 11:17

Ni zla d’a hohoud’a yam ma pol ma ka zla ma nga mi ar tumiyôna woina. Ar mbigeu d’a fiyaka ti kam bigam mbeyo, ti tchom iram mba ndjufa woi mi, ar bigam mbi tche mogod’a, ar iram mba ndjufa ti duk kei mi.

Zakari 11:5

Suma a nga guzuzina, a nga ngad’azi d’igi zla nga kazi d’uo na. Suma a guzuzi woina, nge nge pî nga mi dala: Mersi mi Ma didina, kayam an mbut ma ndjondjoîna. Mazi suma pola, sa tu pî nga mi wazi hohowozi d’i.

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Ndumba 11:29

Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Matiye 20:1

Jesus mi had’azi kua ala: Leu d’a akulod’a ti hle tat ni d’igi samazì ma mi nde ki yorogo tcholol á hal suma sunda kur asinem ma guguzlud’ina na.

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Wana ni Zla d’a Djivi d’a Luc mi b’irita 9:1

Jesus mi tok mam suma dogo yam mbàna, mi hazi vuna kad’enga á dik muzuk ma tchona woi kur suma, á sut suma tugud’eid’a mi.

Sunda hi suma a sunuzinid’a 11:19

Suma a he gagazid’ina a b’rau woi yayak abo djop vun ma mba kazi kur bur ma a tchi Etienne-na. Suma dingâ adigazi a i kur Fenisi ki Sipre ki Antiyos, wani a nga tchi wal zlad’a hAlonid’a ni mi Juif-fâ hohol.

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 13:4

Muzuk ma bei tchod’a ba na, mi sun Barnabas azi ki Saul. A i kur Selusi, a hle batod’a, a i kur til la Sipre-d’a.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Sunda hi suma a sunuzinid’a 8:4

Azi suma a b’rau woina, a nga tchi wal Zla d’a Djivid’a ata yima lara ge pet.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Filip-ma 2:21

Kayam suma hiuna a nga djib’erî yam ahle mazina, wani nga ni yam ahlena hi Jesus Christ-sâ d’i.

Filip-ma 2:25

An djib’er ala djivid’a an sunugi sä wiyena Epafrodit ndran ma sun ma dur ayîna hi Christ-sâ, ni ma agi sunumï kahlena abom á ndjunun kur kid’ak mandina.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.

Kolos-sâ 1:29

Kayam ndata, an nga ni le sunda, an nga ni dur ayîna kad’eng nga Christ mi handjid’a, nad’eng nga nga d’i le sun nda kurunda.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

1 Tasaloni’â 5:12

Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.

2 Tasaloni’â 3:1

B’oziyomina, vama arâ, agi tchenegi Alona kami kayam zlad’a hi Salad’id’a ti zul avogovogo, ar suma a suburut d’igi agi suburut na mi.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

Filemon 1:1

Ni an Paul ma dangeina yam Jesus Christ-sâ ki wiyeina Timote, ami nga b’irimi mbaktum mba wanda mi ang Filemon, ndrami ma sun ma hurumi vang heîna ki Toka avo hatanga

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina: