Wana ni Zla d’a Djivi d’a Luc mi b’irita 1:9 - Bible azumeina

⁹ d’igi suma ngat buzuna a nga le na. A manam ki togina á kal kur yima a tinim iram vama hi Salad’ina á ngal dubang ma his djivid’ina.

Wana ni Zla d’a Djivi d’a Luc mi b’irita 1:9 Kruisverwysings

1 Sunda Hamuleinid’a 23:13

Amram groma ba wana: Aron ki Moise. A tin Aron azi ki groma ki irazi fafat á kak suma a tinizi irazi vazina á ngal dubang ma his djivid’ina avok Ma didina, á le sun mamba, á b’e vuna yam suma ki simiyêm burâ ki burâ mi.

1 Sunda Hamuleinid’a 6:49

Aron azi ki groma a nga hahle suma ngat buzuna yam yima ngal ahle suma ngat buzuna ki dubang ma his djivid’ina yam yima ngal dubang ma his djivid’ina, a nga ndak vun sun mazi d’a lara ge pet kur yima a tinim iram vam ma kal teglesâ, a nga zlup yam tchod’a hi Israel-lîd’a d’igi Moise azongâ hAlonina mi hazi vuna na.

2 Sunda Hamuleinid’a 26:16

Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina.

2 Sunda Hamuleinid’a 29:11

Grona, ki tchetchemba, agi gologi zla ndata hina is si. Kayam ni agi ba, Ma didina mi managi á tchol avorom á lum sunda, á mbut azungeî mama, á ngalam dubang ma his djivid’ina mi.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Matiye 27:5

Mi yagazi beged’a kä kur gong nga kud’ora hAlonid’a, mi ndabua, mi i tchuk ziyona kelemu.

Hebre-na 9:6

Ata yima a min ahlena petna, suma ngat buzuna a nga kal kur zlub’u d’a avoka burâ ki burâ á le sun mazid’a.

1 Samuel 2:28

Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.