Wana ni Zla d’a Djivi d’a Luc mi b’irita 1:76 - Bible azumeina

⁷⁶ Ang gorona, a mba yang ala ma djok vuna hAlo ma sä akulo ma kal teglesîna, kayam ang mba tit avok Salad’a á min lovot mamba,

Wana ni Zla d’a Djivi d’a Luc mi b’irita 1:76 Kruisverwysings

Sawal la giled’a 87:5

Wani yam azì ma Siyon-na, djivid’a a de kam ala: Alo ma sä akulo ma kal teglesâ, mi tinimî mam tamba, wana nambas sa gagazid’a hi nge nge pî d’a adigazid’a.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Matiye 14:5

Herot mi min ala mi tchumu, wani nga mi le mandara Juif-fâ, kayam azi we Jean ala ni ma djok vun Alona.

Matiye 21:26

Wani le ei dei wa ala: Suma sunumï ni aziya ni, ei lei ni mandara suma, kayam suma pet a we Jean ala ni ma djok vun Alona.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Matiye 3:3

Ni Jean ma ma djok vun Alona Isai mi dum zlam ala: Wana ni dela hi ma nga mi er ad’um kur fula ala: Agi minigi lovota hi Ma didinid’a, agi minigi lovot mam mba gureid’a d’ingêru na.

Marik 11:32

Wani le ei dei wa ala: Suma a sunumï ni aziya ni, nad’enga heî. Azi de hina, a le ni mandara ablau suma, kayam suma pet a wala Jean ni ma djok vun ma gagazina hAlonina.

Wana ni Zla d’a Djivi d’a Luc mi b’irita 1:32

Mam mba mi kak ma ngolâ, a mba yum ala Alo ma sä akulo ma kal teglesâ Goroma. Salad’a Alona mba mi tinim amul ma ngolâ d’igi abum ngolo David na.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Jean 1:23

Jean mi hulong dazi ala: An ni dela hi ma nga mi de ki delem akulo kur fulâ ala: Agi minigi lovota hi Ma didinid’a d’igi ma djok vun Alona Isai mi de na na.

Jean 1:27

ni ma nga mi djï blogona. An ndak á but ziyo atuguru mama d’i.

Jean 3:28

Agi tagid’a ni glangâs mana yam vama an dagizi ala: An ni Mesi d’i, wani an ni ma a sununï avoroma na.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.