Wana ni Zla d’a Djivi d’a Luc mi b’irita 1:66 - Bible azumeina

⁶⁶ Suma a hum zla ndatina pet, a ngom zla ndata kuruziya, a djop tazi ala: Gor máma mba mi mbut ni nana ge? Ad’enga hi Salad’id’a ti nga ki sed’emu.

Wana ni Zla d’a Djivi d’a Luc mi b’irita 1:66 Kruisverwysings

Ad’u Tinda 37:11

B’oziyoma huruzi zal atamu, wani abum mi ve zla ndata kurumu.

Ad’u Tinda 39:2

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

1 Amuleina 18:46

Elie mi djin d’ik mama furumu, Ma didina mi hum ad’enga, mi ring avok pus ma akulumeina hi Ahap-ma, mi mbaza avun azì ma Jisreyel-lâ avok Ahap.

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Sawal la giled’a 80:17

Guguzlu manga a kat teyo, a ngalat teyo; sum mangâ a nga ba woi avorong abo ngop manga.

Sawal la giled’a 89:21

An fazong mana David, an vom mbul man ma an tinim iram vama kamu.

Wana ni Zla d’a Djivi d’a Luc mi b’irita 1:80

Gor máma nga mi wula, nga mi sira kur muzugamu, mi i kak hur fulâ gak bur ma mi tak tam mbei avok Israel-lîna.

Wana ni Zla d’a Djivi d’a Luc mi b’irita 2:19

Wani Marie ti ngom zla ndata kurut pet, nga d’i djib’er kad’u.

Wana ni Zla d’a Djivi d’a Luc mi b’irita 2:40

Gor máma nga mi wula, nga mi sira, mi mbut sama ned’a heîna, sumad’a hAlonid’a nga ki sed’em mi.

Wana ni Zla d’a Djivi d’a Luc mi b’irita 2:51

Mi hulong ki sed’ezi kur azì ma ngol ma Nazarat-na, mi ge yam kä ad’u zla mazid’a, wani asum mbi ngom zla ndata kurud’u, ti djib’er yam ahle ndazina pet mi.

Wana ni Zla d’a Djivi d’a Luc mi b’irita 9:44

Ar zla ndata ti kal humagiya, kayam a mba han an Gor Sana abo suma.

Sunda hi suma a sunuzinid’a 11:21

Ad’enga hi Salad’id’a ti nga ki sed’eziya, suma ablaud’a a he gagazid’a, a mbut huruzi yam Salad’a.

Kolos-sâ 1:5

Kayam ndata, agi tinigi hurugi yam vama Alona nga mi ngomom sä akulo kagina. Ni vama agi humum zlam avok dei ata yima a tchagi wal zla d’a gagazid’ina, nala, Zla d’a Djivid’a.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.