Wana ni Zla d’a Djivi d’a Luc mi b’irita 1:49 - Bible azumeina

⁴⁹ kayam Alo ma ad’engêm kal petna, mi le vama ngolâ kanu. Mam mi Ma bei tchod’a ba na.

Wana ni Zla d’a Djivi d’a Luc mi b’irita 1:49 Kruisverwysings

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Sawal la giled’a 111:9

Ma didina mi sunï á sut sum mama, mi djin vunam ki sed’eziya. Simiyêm ala ma bei tchod’a ma suma a lum mandarama.

Sawal la giled’a 24:8

Amul ma ngol ma subur máma ni nge ge? Ni Ma didin ma ad’eng ma sib’ika; ni Ma didina grang ma dur ayîna.

Sawal la giled’a 99:3

Ar azi gileng simiyêng ma ngol ma suma le mandarâ aboma. Gagazi, angî ma bei tchod’a ba na.

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Jeremi 10:6

Ma didina, sama hle tam d’igi ang na na nga d’i. Angî ma ngolâ, angî ma simiyêng mi nde yina ki sib’ik mangina mi.

Jeremi 20:11

Wani Ma didina, angî ma sib’ika, angî ma dur kana. Kayam ndata, suma a nga djobon vunana a mba puk kä. Azi mba kus kan ndi, azi mba tchuk susub’ok abo kus sa azi kus nga kan nduo d’a, azi mba mbut zulona burâ ki burâ. Ni zulo ma sa mba mi mar kam mbuo na mi.

Marik 5:13

Jesus mi aram lovota. Muzuk ma tcho máma mi nde woi kur sa máma, mi tchuk kur kozong máma. Ablaud’a hi kozongîd’a ni d’igi dudubud’a mbà na, a wet djangâ ndif, a sulugod’ï kä woi yam yima ndingâ, a tchuk kä kur apod’a, a tche mbina, a bo woyo.

Wana ni Zla d’a Djivi d’a Luc mi b’irita 1:48

kayam mi tin iram kan an wei mam mba lulumad’a. Gagazi, ar avok hî, suma kur atchogoid’a pet a mba de kan ala: Ta Alona mi b’e vunam kata,

Wana ni Zla d’a Djivi d’a Luc mi b’irita 1:50

Kur atchogoi d’a lara ge pet mam mba mi we hohowa suma a nga lum mandarama.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

1 Samuel 2:2

Ma didina tu ni Ma bei tchod’a, Alo meina tu nahinad’a, Alo ma ding ma d’igi mam na na nga d’i.