Wana ni Zla d’a Djivi d’a Luc mi b’irita 1:35 - Bible azumeina

³⁵ Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 1:35 Kruisverwysings

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Wana ni mbaktumba hi Job-pa 15:16

ni nana ba, mba mi tin hurum yam sama ndjendje ma tchim ma nga mi tche tchod’a d’igi sana mi tche mbina na na ge?

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 51:5

Kayam an we tchila manda, an nga ni djib’er yam tcho manda teteu.

Matiye 1:18

Vuta hi Jesus Christ-sa ni hina: Kid’a Josef mi kasum Marie azi bei zlap tua d’a, ti ve wirâ kad’enga hi Muzuk ma bei tchod’a ba na.

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Matiye 14:33

Suma kur alumbina a kud’or Jesus, a dala: Gagazi, angî Alona Goroma.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Marik 1:1

Wana nad’u tinda hi Zla d’a Djivid’a yam Jesus Christ Alona Goroma.

Marik 1:24

Jesus ma Nazarat-na, vama ndolong ki sed’emi ni me ge? Ang mba á bami woi zu? An wang tetet ala angî Ma bei tcho ma Alona sunungîna.

Wana ni Zla d’a Djivi d’a Luc mi b’irita 1:27

Mi mba ata gor wei d’a sama a yum ala Josef ma ad’u andjafâ hi David-na nga mi d’umuta. Gor wei ndata, simiyêt ala Marie.

Wana ni Zla d’a Djivi d’a Luc mi b’irita 1:34

Marie ti de mi malaikana ala: Va mama mba mi le ni nana ge? Kayam an zlap nga ki mandjuf fi.

Wana ni Zla d’a Djivi d’a Luc mi b’irita 1:36

Wiyeka Elizabet ta a nga de kat ala: Ti ni gendreged’a d’a, ti ve nga wir gor mandjufâ ki mamarad’u. Ki tchetchemba; tilit ni karagaya.

Jean 1:34

Jean mi dala: An we, an nga ni le glangâsâ kam ala: Mam mi Alona Goroma.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Sunda hi suma a sunuzinid’a 8:36

Kid’a azi nga kur lovota tua d’a, a mbaza avun huruguka. Adimbang mi dum ala: Ang gol mbina wana: Vama d’elen bei le batemba ni me ge? [

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.