Wana ni Zla d’a Djivi d’a Luc mi b’irita 1:32 - Bible azumeina

³² Mam mba mi kak ma ngolâ, a mba yum ala Alo ma sä akulo ma kal teglesâ Goroma. Salad’a Alona mba mi tinim amul ma ngolâ d’igi abum ngolo David na.

Wana ni Zla d’a Djivi d’a Luc mi b’irita 1:32 Kruisverwysings

2 Samuel 7:16

Sama ad’u andjavangâ mba mi tamula blagang gak didin; amul manga mba d’i giget ti gak didin.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Sawal la giled’a 132:12

Le grongâ ki grozina a ngom vun man ma djinda ki vun man ma he ma an nga ni had’azizina mi ni, a mba kak yam zlam manga gak didin.

Isai 16:5

ata yi máma, yam djivi magid’a a mba tin zlam mba amul la ad’enga aduk andjafâ hi David-na. Ma dingâ tu mba mi kak kad’u, mba mi he tam á ka sariyad’a ki d’ingêra, tam mba d’i lum djivid’a yam sun nda irata mi.

Jeremi 17:25

ata yi máma amuleina ki suma nglo suma a nga kaka yam zlam mba amula hi David-ta suma a nga kur pus ma dur ayîna d’oze a nga nga yam akulumeinina ki mazi suma nglona ki suma Juda-na ki suma a nga kaka avo Jerusalem-ma pet, a mba kal avun agre’â hazì mámina. Suma a mba kak kur azì máma burâ ki burâ mi.

Jeremi 22:2

Ang dum ala: Ang amul ma Juda ma nga kaka yam zlam mba amula hi David-tina, ang kazungeî mangâ ki sum mangâ agi suma nga kalagi avun agrek ma amulina, agi humugi zlad’a hi Ma didinid’a.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Matiye 1:1

Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina:

Matiye 12:42

Kur bur ma ka sariyad’a, amul la abo ma sutnid’a mba d’i tchol á ka sariyad’a yam suma kur atchogoi d’a wandina, kayam ti tcholï avun dabid’a handagad’id’a adjeu, ti mba á hum ned’a hi Salomon-nda. Gola! Ma kal Salomon ki ngolina mi kä wana.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Marik 14:61

Wani Jesus mi ngruf kiki bei dum zlad’a ba. Ma ngol ma ngat buzuna mi djobom kua ala: Angî Mesi, Alona Gorom ma mi b’e vunam kama zu?

Marik 5:7

mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 1:76

Ang gorona, a mba yang ala ma djok vuna hAlo ma sä akulo ma kal teglesîna, kayam ang mba tit avok Salad’a á min lovot mamba,

Wana ni Zla d’a Djivi d’a Luc mi b’irita 3:16

Jean mi hulong dazi pet ala: Anu, an nga ni lagi batemba ni ki mbina. Wani ma nga mbana, ad’engêm kalanu. An ndak nga ki mam mbi. Ziyo atuguru mama pî, an ndak á bud’um mbi. Ni ma mba lagi batemba ni ki Muzuk ma bei tchod’a ba na kakud’ina.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Jean 12:34

Ablau suma a hulong dum ala: Ami humumi kur gat meid’a ala Mesi mba mi kak gak didinu mi na. Ni nana ba, ang dala mbeî a mba gap Gor Sana akulo ge? Gor Sana ni nge ge?

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Sunda hi suma a sunuzinid’a 2:30

Kayam mam mi ma djok vun Alona, mi wala Alona mi hlum vuna ki gun tad’a ala mba mi pat sana tu ad’u ndjavam kuruma á kak yam zlam mam mba amula.

Sunda hi suma a sunuzinid’a 2:36

Kayam ndata, ar agi Israel-lâ pet agi wagi woi tetet ala ni Jesus ma agi b’alam akulo ata agunina ba, Alona mi mbud’um Salad’a ki Mesi mi.

Sunda hi suma a sunuzinid’a 7:48

Wani Alo ma sä akulo ma kal teglesâ nga mi kak kur gong nga sana minit kabomba d’i. Ni d’igi ma djok vun Alona mi de na ala:

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: