Wana ni Zla d’a Djivi d’a Luc mi b’irita 1:15 - Bible azumeina

¹⁵ Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Wana ni Zla d’a Djivi d’a Luc mi b’irita 1:15 Kruisverwysings

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 48:19

Wani abum mi noyâ, mi dum ala: An we, gorona, an we. Manase andjavam mba mi zul mi, mba mi mbut ngola mi. Wani wiyem ma gorâ mba mi mbut ngola kalamu, andjavam mba mi zul andjaf suma ablaud’a.

1 Sunda Hamuleinid’a 17:8

An nga ki sed’eng ata yima lara ma ang i kuana, an tchi mang suma djangûna woi avorong pet, an mbud’ung simiyêng ngola d’igi simiyê suma nglo suma a nga yam andagad’a ka hina na.

1 Sunda Hamuleinid’a 29:12

Ndjondjoîd’a ki subura a tcholï natangû. Angî ma te yam ahlena petna; ad’enga ki sib’ika azi ni mangâ. Ni ang ba, he ngola mi suma; ni ang ba, nga hazi ad’enga mi.

Sawal la giled’a 22:9

A nga de kan ala: Mi ar zla mamba abo Ma didina. Djiviya! Ar Ma didina mi pad’am mbeyo! Le Ma didina nga mi le kamu ni, djiviya, ar mi sud’umu!

Jeremi 1:5

An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.

Jeremi 35:6

Wani azi hulong dan ala: Ami nga tchami süm guguzlu d’i. Kayam abumi Jonadap Rekap goroma mi hami vuna ala: Agi tchagi süm guguzlu d’uo mi na, grogina a tche süm guguzlu d’uo mi.

Sunda hi suma hi Levi-nid’a 10:9

Agi ki grongâ agi tchagi süm guguzlu d’oze süm ma ayîna ata yima agi kalagi kur zlub’u d’a ngaf tad’ina d’i, kayambala agi bogi woi d’uo d’a. Zla ndata ti arî gat ta didinda yam andjavagiya,

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Wana ni Zla d’a Djivi d’a Luc mi b’irita 1:14

Ang mba le furîd’a ngola, suma ablaud’a a mba le furîd’a yam vut mamba mi.

Wana ni Zla d’a Djivi d’a Luc mi b’irita 7:28

An nga ni dagiya, aduk suma aropma a vud’uzina pet ma kal Jean ma le suma batemba ki ngolina nga d’i. Wani ni ma gor ma nga kur leud’a hAlonid’ina ba, mi kalam ki ngola.

Wana ni Zla d’a Djivi d’a Luc mi b’irita 7:33

Kayam Jean ma le suma batemba mi mba, mi te nga avu d’i, mi tche nga süm guguzlud’a d’i. Wani agi nga dala: Mi nga ki muzuk ma tchona kurumu.

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Sunda hi suma a sunuzinid’a 2:4

Azi pet a oî ki Muzuk ma bei tchod’a ba na, a nde de zlad’a ki vuna hi sumina teteng d’igi Muzu’â mi hazizi á ded’a na.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Josue 3:7

Ma didina mi de mi Josue ala: Ini an nga ni tin ad’ud’a á tagang ngol manga woi avok Israel-lâ pet, kayam azi wala an nga ki sed’eng d’igi an nga ki Moise adjeu na mi.

Josue 4:14

Kur bur máma Ma didina mi tin Josue ngola avok Israel-lâ pet. A nga ge yazi kä avorom kur kak mam mba yam andagad’id’a pet d’igi a ge yazi kä avok Moise adjeu na.