Sunda hi suma hi Levi-nid’a 9:3 - Bible azumeina

³ Ang de mi Israel-lâ ala: Agi vagi mbekmberena á hum vama ngat buzuna á zlup yam tchod’a, agi vagi amuhl ma gorâ ki timi ma gorâ suma bizazi tutu suma bei dakina á hazi ahle suma ngat buzu suma ngala,

Sunda hi suma hi Levi-nid’a 9:3 Kruisverwysings

Ad’u Tinda 37:31

Azi yo barud’a hi Josef-fa ngola, azi ngat mbekmberena, a tchuk baru ndata kä aduk buzuna.

Esdras 10:19

A hle vunazi á dik amiyôzina, a he gamlâna he d’a hawad’a yam tcho mazid’a mi.

Esdras 6:17

A hamuzlei suma andjofâ kis, gamlâna kikis mbà ki tumiyôna kikis fid’i he d’a hawad’a yam tin nda a tin gong nga kud’ora hAlonid’a irat vata. A he mbekmberena he d’a hawad’a dogo yam mbà ngad’a yam andjafâ hi Israel ma dogo yam mbàna á zlup yam tchod’a hi Israel-lîd’a avok Alona.

Buzuk ka Abud’a 12:5

Agi ndak á vagi gor timina d’oze gor b’ë ma bei daka ma bizam tuna.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Sunda hi suma hi Levi-nid’a 10:16

Moise mi hal mbekmbere ma a hum vama ngat buzuna á zlup yam tchod’ina hahal, mi fum nga d’i. Gol wani, azi ngalam wa woyo. Ata yi máma hurum zal ata Elazar azi ki Itamar Aron grom suma a arâ, mi dazi ala:

Sunda hi suma hi Levi-nid’a 12:6

Le burut ma mbut tat yed’etna mi dap wa ni, le ni gor mandjufâ d’oze gor atchad’a ni, ti ve timi ma bizam tuna á hum vama ngat buzu ma ngala, ti ve gugu d’a avod’a d’oze gugu bed’egera á hat vama ngat buzu ma mi zlup yam tchod’ina, ti izi mi ma ngat buzuna avun zlub’u d’a ngaf tad’a.

Sunda hi suma hi Levi-nid’a 14:10

Kur bur ma klavandina, mi yo gro tumiyô suma bei dakina mbà, timi d’a bizat tu d’a bei dakid’a ki he d’a hawa d’a afut ta a tib’eget ki mbulîd’a kilona zlengâ, ki mbulâ nus lidirâ mi.

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

Sunda hi suma hi Levi-nid’a 16:5

Mi yo mbekmberena abo ablaud’a hi Israel-lîd’a mbà yam vama ngat buzu ma zlup yam tchod’a, gamlâna tu yam vama ngat buzu ma ngala mi.

Sunda hi suma hi Levi-nid’a 23:12

Kur bur ma agi hagi yam awuna á gazam akulona, agi hagi gor timi ma bizam tu ma bei dakina he d’a hawa d’a ngala mi an Ma didina

Sunda hi suma hi Levi-nid’a 4:23

Le mi we wa ad’u tcho mam mba mi lata ni, mi he mbekmbere ma bei daka ba na vama ngat buzuna.

Sunda hi suma hi Levi-nid’a 4:3

Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Sunda hi suma hi Levi-nid’a 9:2

mi de mi Aron ala: Ang i veï amuhl ma gor ma bei dakina á hum vama ngat buzuna á zlup yam tchod’a ki gamlâ ma bei dakina á hum vama ngat buzu ma ngala, ang mbazï avok Ma didina.

Sunda hi suma hi Levi-nid’a 9:4

agi vagï amuhlâ ki gamlâna á hazi vama ngat buzu ma zlap darigïd’a mi Ma didina zlapa ki he d’a hawa d’a afut ta a tib’eget ki mbulîd’a, kayam Ma didina nga mi nde tam mbei iragi ini.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.