Sunda hi suma hi Levi-nid’a 8:30 - Bible azumeina

³⁰ Moise mi hle mbul ma a vom yam sumina ki buzu ma nga yam yima ngal ahle suma ngat buzunina, mi yamam yam Aron ki baru mamba. Bugola, mi yamam yam Aron groma ki baru mazina mi. Ni hina ba, mi tinizi irazi vazi mi Ma didina ki baru mazina mi.

Sunda hi suma hi Levi-nid’a 8:30 Kruisverwysings

Buzuk ka Abud’a 28:2

Ang tchil baru d’a djif fa kal teglesa mi wiyengâ Aron á tagam subur mamba ki ngol mamba woyo.

Buzuk ka Abud’a 29:21

Ang go buzu ma yam yima ngal ahle suma ngat buzunina do ki mbul ma a tinim iram vama mi. Ang yamazi yam Aron ki baru mamba, yam groma ki baru mazina mi. Ni hina ba, ang mba tin Aron iram vam ki baru mamba, ang mba tin groma irazi vazi ki baru mazina mi.

Buzuk ka Abud’a 30:30

Ang vo mbulâ yam Aron azi ki groma, ang tinizi irazi vazi á lan sun nda ngat buzuna.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 7:35

Wana ni b’rau d’a yam Aron azi ki groma d’a a yot aduk ahle suma a hazi vama ngat buzu ma ngala mi an Ma didina kur bur ma a mba vozi mbulâ kazi á le sun nda ngat buzuna avogona.

Sunda hi suma hi Levi-nid’a 7:36

Wana ni vama an Ma didina ni he vuna kam mi Israel-lâ á hum mi Aron azi ki groma kur bur ma a vozi mbulâ kazi á tinizi irazi vazi kur sundina; b’rau ndata arî gat ta didinda yam andjavaziya.

Sunda hi suma hi Levi-nid’a 8:12

Mi vo mbul ma a vom yam sumina yam Aron á tinim iram vamu.

Ndumba 3:3

Wana ni simiyê Aron grom suma a vozi mbulâ kazi á tinizi irazi vazi á le sun nda ngat buzunid’ina.

Hebre-na 2:11

Kayam Jesus ma mi mbut suma woi yed’et kur tcho mazid’ina ki suma mi mbud’uzi yed’etna, Abuzi ni tu. Kayam ndata, Jesus nga ki zulona á yazi b’oziyoma d’i.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.