Sunda hi suma hi Levi-nid’a 8:23 - Bible azumeina

²³ Moise mi ngad’amu, mi go buzuna, mi dom ata Aron humam mba ndjufa vunat ma lelegem ma ad’u kä na, mi dom ata tchitchid’am mba modo d’a abom mba ndjufa, ata tchitchid’am mba asem mba modo d’a ndjufa mi.

Sunda hi suma hi Levi-nid’a 8:23 Kruisverwysings

Buzuk ka Abud’a 29:20

Ang ngat gamlâ máma, ang gom buzuwamu, ang dom ata Aron azi ki groma vun humazi d’a ndjufa, ata tchitchid’azi d’a abozi d’a modo d’a ndjufa, ki tchitchid’azi d’a asezi d’a modo d’a ndjufa mi, ang yam buzuna ad’um mba ara abu huyok yima ngal ahle suma ngat buzuna pet mi.

Buzuk ka Abud’a 29:21

Ang go buzu ma yam yima ngal ahle suma ngat buzunina do ki mbul ma a tinim iram vama mi. Ang yamazi yam Aron ki baru mamba, yam groma ki baru mazina mi. Ni hina ba, ang mba tin Aron iram vam ki baru mamba, ang mba tin groma irazi vazi ki baru mazina mi.

Sunda hi suma hi Levi-nid’a 14:14

Ma ngat buzu máma mi gul buzuna hi vama a ngad’am yam tchilad’ina mi dom ata sama mbut tam yed’etna humam mba abom mba ndjufa vunat ma lelegema, ata tchitchid’am mba modo d’a abom mba ndjufid’a, ki tchitchid’am mba modo d’a asem ma ndjufîd’a mi.

Sunda hi suma hi Levi-nid’a 14:17

mi do mbulâ ad’um mba ar abomba ata sama mi mbut tam yed’et máma humam mba ndjufa vunat ma lelegema, ata tchitchid’am mba modo d’a abom mba ndjufid’a, ki tchitchid’am mba modo d’a asem ma ndjufîd’a yam buzuwa vama a ngad’am yam tchilad’ina.

Sunda hi suma hi Levi-nid’a 14:25

Mi ngat gor timi ma a hum vama ngat buzuna yam tchilad’ina, mi gom buzuwam mi dom ata sama mi mbut tam yed’etna humam mba ndjufa vunat ma lelegema, ata tchitchid’am mba modo d’a abom ma ndjufid’a, ata tchitchid’am mba modo d’a asem ma ndjufîd’a mi.

Sunda hi suma hi Levi-nid’a 14:28

mi dom ata sama mi mbut tam yed’etna humam mba ndjufa vunat ma lelegema, ata tchitchid’am mba modo d’a abom ma ndjufid’a, ata tchitchid’am mba modo d’a asem ma ndjufîd’a, yam yima mi do adjï buzuna hi vama mi ngad’am yam tchilad’ina kuana.

Sunda hi suma hi Levi-nid’a 7:37

Wana ni gat ta yam ahle suma ngat buzu suma ngalina, yam he d’a hawa d’a afuta, yam ahle suma ngat buzu suma zlup yam tchod’ina, yam ahle suma a hazi yam sama zlad’a kama, yam ahle suma a tinizi irazi vazina, yam ahle suma ngat buzu suma zlap darigïd’ina mi.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 6:13

Ar agi hagi ir hliu tagi mi tchod’a d’igi ahle suma dur ayî suma d’ingêr ruo na na d’i. Wani ar agi hagi tagi mAlona d’igi suma a tchol akulo aduk suma matna suma mbut arid’ina na. Ar agi hagi ir hliu tagi pet mAlona d’igi ahle suma dur ayî suma d’ingêrâ na.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

1 Korente-na 1:2

Ami nga b’irimi mbaktum mba wanda mi agi Toka hAlona d’a sä Korente-d’a, suma Alona mi yagi mi mbud’ugi sum mama, mi tinigi iragi vagi zlapa tu ki Jesus Christ-sâ, mi suma pet suma ata yima lara ge pet suma a nga yi simiyê Saleina Jesus Christ-sâ mi. Mam ma ala ni Salazina, ni Saleina mi na.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

Filip-ma 1:20

Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

1 Tasaloni’â 5:22

Agi walagi woi dei ki tcho d’a lara ge pet.

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

Hebre-na 5:8

Kayam mam mi Goroma pî, mi hat á ge yam kä kur ahle suma mam fe ndaka kuana.