Sunda hi suma hi Levi-nid’a 7:2 - Bible azumeina

² Nata yima a nga ngat vama a hum he d’a hawa d’a ngala kuana ba, mi i ngat vama ngat buzu ma sana mi hum yam vama mi b’lagama kua, mi yam buzuna huyok yima ngal ahle suma ngat buzuna, mi nguyum mbei d’uhl.

Sunda hi suma hi Levi-nid’a 7:2 Kruisverwysings

Isai 52:15

Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 40:39

Kur gong ndata tabulâ nga kua, mbà abo hî, mbà abo hî á ngat d’uwar ma a hum he d’a hawad’a ngalina, ma a hum he d’a ngat buzu d’a tetenga, ma a hum he d’a hawa d’a vat hurâ yam tchod’ina mi.

Sunda hi suma hi Levi-nid’a 1:11

Ar mi ngad’amî abo ma norâ hi yima ngal ahle suma ngat buzunina avogon an Ma didina. Suma ngat buzuna Aron groma a go buzuna, a yamam huyok yima ngal ahle suma ngat buzuna.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 1:5

Ar mi ngat gor amuhlâ kä avogon an Ma didina. Bugola, suma ngat buzuna Aron groma a gas buzuna avogonu, a yamam huyok yima ngal ahle suma ngat buzu ma nga avun zlub’ud’ina.

Sunda hi suma hi Levi-nid’a 14:13

Mi ngat gor timina nata yima a ngat ahle suma a hazi vama ngat buzuna á zlup yam tchod’ina ki vama ngat buzu ma ngalina ata yima a tinim iram vama. Kayam vama ngat buzu ma yam tchilad’ina ni d’igi vama ngat buzu ma zlup yam tchod’ina na, a humî mi ma ngat buzuna. Ni vama a tinim iram vam ma kal teglesâ.

Sunda hi suma hi Levi-nid’a 3:2

Ar mi tin abom yam vama mam tchuma, mi i ngad’am avun zlub’u d’a ngaf tad’a; suma ngat buzuna Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 3:8

mi tin abom kamu, mi i ngad’am avun zlub’u d’a ngaf tad’a; Aron groma a yam buzuna huyok yima ngal ahle suma ngat buzuna, a nguyum mbei d’uhl.

Sunda hi suma hi Levi-nid’a 4:24

Mi tin abom yam mbekmbere máma, mi i ngad’am kä avogon an Ma didina ata yima a ngat ahle suma ngala kuana. Wana ni vama ngat buzu ma zlup yam tchod’ina.

Sunda hi suma hi Levi-nid’a 4:29

Mi tin abom yam b’ë d’a mam hat á ngat buzuna á zlup yam tchod’id’a, mi i ngad’at ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 4:33

Ar mi tin abom yam timi d’a mam hat á ngat buzuna ndata, mi i ngad’at á zlup yam tcho mamba ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 5:16

Mi hle bege d’a ding nga ndak ir gusa hi gamlâ mámid’a, mi walat kä ad’u vahl, mi hle tu, mi hat mi ma ngat buzuna yam gusa hi gamlâ mámid’a kua. Wani sa máma mi wurak va yam tugut ta mi tugut tam ki vana hi zlub’u d’a kud’orina. Ma ngat buzu máma mi hat zlapa ki gamlâ ma mam hum vama ngat buzuna yam tchila mamba á zlup yam tcho mambina. Hina wani, an Alona mba ni vat hurun ndei yam tcho mamba.

Sunda hi suma hi Levi-nid’a 5:7

Ma didina mi de kua ala: Le sana mi nga ki va á gus ahu d’uo ni, mi he gugu bed’egera d’oze gugu d’a avo d’a gureid’a mbà mi an Ma didina yam tcho d’a mam lata; tu á zlup yam tcho mamba, tu á ngala mi.

Sunda hi suma hi Levi-nid’a 5:9

Mi yam buzuna hi vama a hum á ngat buzuna á zlup yam tchod’ina huyok yima ngal ahle suma ngat buzuna. Buzuna ad’um mba ara, mi yamam ata kawei ma kä ad’u yima a ngal ahle suma ngat buzuna kuana. Wana ni he d’a hawa d’a a hat á zlup yam tchod’id’a.

Sunda hi suma hi Levi-nid’a 6:7

Ma didina mi de kua ala: Wana ni gat ta yam he d’a hawad’a hafutid’a: Ar Aron groma a hat mi an Ma didina ni azi avok yima ngal ahle suma ngat buzuna.

Ndumba 6:12

Ar mi tin tam tin nda dinga irat vat mi an Ma didina d’igi mi tin tam avok na, ar mi he timi ma bizam tuna vama ngat buzuna yam tchilad’a. Bur ma kal leina sa mba mi ndumum mbi, kayam tin nda mam tin tam irat vata ti mbut ndjendjed’a da’.

Hebre-na 11:28

Ni yam he gagazid’a ba, mi le Pa’â, mi he vuna á yam buzuna avun azina, kayam malaika ma tchi suma mi tchi gro suma a vud’uzi avo’â hi Israel-lîna woi d’i.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.