Sunda hi suma hi Levi-nid’a 7:18 - Bible azumeina

¹⁸ Le sana mi mut hliu vama mam hum vama ngat buzu ma zlap darigïd’a kur bur ma hindina ni, he d’a hawa mam ndata, an Alona mba ni vat abom mbi, mba ni ndumut ala sa máma mi he va d’uo mi, kayam ti mbut ni vama ndjendjed’a; sama mi mud’utna, zlad’a nga kamu.

Sunda hi suma hi Levi-nid’a 7:18 Kruisverwysings

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Isai 65:4

Ni suma a nga kaka aduk asud’a suma a nga bur angra ahuniyônina. Ni suma a nga mut kozongâ, suma a nga yi te ma ndjendjed’a kur duguyo mazinina mi.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Ezekiyel 18:20

Ni sama nga mi le tchod’ina ba, mba mi mid’a. Gorâ nga mi zi tchod’a habumba d’i, abud’a nga mi zi tchod’a hi goromid’a d’uo mi. A mba wurak sama d’ingêrâ ni yam sun mam mba d’ingêra, wani a ngop sama asa’atna ni yam sun mam mba asa’ata mi.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Sunda hi suma hi Levi-nid’a 10:17

Ni kayam me ba, agi mud’ugi vama a tchum á zlup yam tchod’ina ata yima a tinim iram vama d’uo ge? Ni vama a tinim iram vam ma kal tegles ma Ma didina mi hagizina, kayam agi zigi tchod’a hablau sumid’a á zlubuzi yam tcho mazid’a avogomu.

Sunda hi suma hi Levi-nid’a 10:19

Aron mi hulong de mi Moise ala: Gola! A he va mazi ma ngat buzu ma zlup yam tchod’ina ki mazi ma ngat buzu ma ngalina avok Ma didina ni ini, ang we vama mba kana mi. Le an mut hliwa vama a tchum á zlup yam tchod’ina ini ni, Ma didina tam mba d’i lum djivid’a zu?

Sunda hi suma hi Levi-nid’a 11:41

Ahle suma gurei suma dram kä yam andagad’ina pet nahle suma ndjendjed’a; agi mud’uzi d’i.

Sunda hi suma hi Levi-nid’a 17:16

Le mi mbus nga baru mama ki tam mbei d’uo ni, tcho mamba arî kam na.

Sunda hi suma hi Levi-nid’a 19:5

Le agi mba hagi he d’a hawa d’a ngat buzu d’a zlap darigïd’a mi an Ma didina ni, agi hat ni ki lovod’od’u, kayam an Ma didina ni vat abogiya.

Sunda hi suma hi Levi-nid’a 20:17

Le sana mi ve wiyem mba abum gorombid’a d’oze wiyem mba asum gorotid’a atchad’a ni, azi le ni vama ndjendjed’a. A mba digizi woi aduk sum mazina. Mi mba mi hlaneka hi tcho mambid’a kayam mi ve ni wiyemba.

Sunda hi suma hi Levi-nid’a 20:19

Ar ang bur kabung wiyemba d’oze asung wiyeta d’i. Le sana mi bur ki sumamamba ni, azi djak a mba hlaneka hi tcho mazid’id’a.

Sunda hi suma hi Levi-nid’a 22:16

Le a tat nga ata lovod’ot tuo ni, a tin ni tcho d’a dinga yam Israel-lâ. A hulong he vama dingâ á min zla mazid’a, kayam an ni Ma didin ma ni mbut he d’a hawa ndata vama an tinim iram vama.

Sunda hi suma hi Levi-nid’a 22:23

Ang ndak á he amuhlâ d’oze gor timi ma abom ma dingâ fiyaka kal ndramina, d’oze ma abom kid’ak gid’engina vama ngat buzu ma kur min mangina, wani mi ndak nga á ndak vun vun ma hle ma ang hluma d’i.

Sunda hi suma hi Levi-nid’a 22:25

Agi vagi vama ngat buzu ma hina na abo angeina á handji á ted’a mi an Alo magina d’i. Kayam azi nahle suma yazi ma dingâ kad’ina, nahle suma daka mi, an nga ni vazi abogi d’i.

Sunda hi suma hi Levi-nid’a 5:17

Le sana mi tchila yam vun ma hed’a hi an Ma didinina tu, mi le tchod’a bei mi wat ad’ut pî, zlad’a nga kamu; tcho mam ndata ti arî kam na.

Sunda hi suma hi Levi-nid’a 7:19

Le hliu máma mi do ata vama ndjendjed’a ni, ar sa mi mud’um mbi, ar a ngalam mbeyo.

Amos 5:22

Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Malatchi 1:13

Agi nga dagi ala: Ni ndaga me na ge! Agi nga hlagi yagi woi vivik mi. An Ma didina ni de na. Ma didin ma ad’engêm kal petna mi dala: Hina wan pî, agi nga mbagi ki vama kula ki ma dileîd’a ki ma tugud’eid’a mi ala ni he d’a hawa magid’a. An mba ni vat abogi zu?

Ndumba 18:27

He d’a hawa magi ndata a mba ndumut ni d’igi suma a nga pat awuna kä avun ambid’a’â na, d’igi a pat süm guguzlud’a kä ata yima a nga mired’et kuana na mi.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Romê-na 4:11

Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.