Sunda hi suma hi Levi-nid’a 7:16 - Bible azumeina

¹⁶ Le sana mi he he d’a hawad’a yam vunam ma mi hluma, d’oze mi he ni he d’a hawa d’a kur min mambid’a ni, mi mut hliu máma ni kur bur ma mam hum kuana. Le mi ar akulo ni, mi mud’um avin yorogo.

Sunda hi suma hi Levi-nid’a 7:16 Kruisverwysings

Sawal la giled’a 116:14

An mba ni ndak vun vun man ma hle ma an hlum mi Ma didinina avok sum mama pet.

Sawal la giled’a 116:18

An mba ni ndak vun vun man ma hle ma an hlum mi Ma didinina avok sum mama pet,

Sawal la giled’a 66:13

An mba ni i kur gong manga kahle suma ngat buzu suma ngala, an mba ni ndak vun vun ma hle ma an hlangzina.

Buzuk ka Abud’a 35:29

Israel-lâ ki zla tazi pet, andjofâ karop suma huruzi djivid’a á le sun nda Ma didina mi he vuna kat mi Moise-sina, a mba ki he d’a hawa d’a azi hat kur min mazid’id’a mi Ma didina.

Zla d’a d’ogolâ 7:14

An ni he wa vama ngat buzu ma zlap darigïd’a, an ndak wa vun vun man ma hle ma an hlum mAlonina ini.

Ezekiyel 46:12

Le amulâ mi min han he d’a hawa d’a kur min mambid’a, le ni he d’a hawa d’a ngala d’oze ni he d’a hawa d’a zlap darigïd’a ni, a malamî vun agrek ma abo ma yorogona hatrang nga krovod’ina. Mam he he d’a hawa mamba d’igi nga mi hat kur bur ma sabatna na. Bugola, mi nde woi abua. Ata yi máma a duk vun agre’â blogomu.

Sunda hi suma hi Levi-nid’a 22:23

Ang ndak á he amuhlâ d’oze gor timi ma abom ma dingâ fiyaka kal ndramina, d’oze ma abom kid’ak gid’engina vama ngat buzu ma kur min mangina, wani mi ndak nga á ndak vun vun ma hle ma ang hluma d’i.

Sunda hi suma hi Levi-nid’a 22:29

Le agi hagi vama ngat buzu ma le mersid’a mi an Ma didina ni, agi handji ni ki lovod’ot kayambala an vat abogiya d’a.

Sunda hi suma hi Levi-nid’a 23:38

zlapa ki bur man ma sabat ma lara ge pet, he d’a hawa magid’a ki vun magi ma hled’a, zlapa ki he d’a hawa d’a lara ge d’a agi handji kur min magid’id’a.

Ndumba 15:3

agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:17

Agi ndak nga á tagi dima hawu maginina d’oze hi süm guguzlu magid’ina d’oze hi mbul mangîna d’oze d’uwar magi ma nglona ki ma gurei ma vut avo’â d’oze he d’a hawa d’a ndak vun vun ma hled’id’a d’oze he d’a hawa magi d’a kur min magid’id’a d’oze vun ahle magi suma agi hazina kä avo hatagi d’i.

Gat ta a hat á mbàd’id’a 12:26

Wani ahle suma agi mba tinizi irazi vazina ki he d’a hawa magi d’a á ndak vun vun ma hled’id’a, agi igi ki sed’ezi nata yima Ma didina mba mi manama.

Gat ta a hat á mbàd’id’a 12:6

Ni kua kolâ ba, agi mba hagi he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle magi suma agi hazina, he d’a hawa magi d’a á ndak vun vun ma hled’id’a, he d’a hawa d’a kur minda hi sanid’a zlapa ki d’uwar magi ma nglona ki d’uwar magi ma gurei ma vut avo’â mi.