Sunda hi suma hi Levi-nid’a 7:12 - Bible azumeina

¹² Le sana mi he he d’a hawa d’a le mersid’a ni, mi hat ni ki vama ngat buzu ma le mersid’a ki fangasu ma bei angufa ma a lum ki mbulîna ki woî ma a yamam mbulâ kama, zlapa kafut ta adiged’i d’a a lat woî ma a tib’egem ki mbulîna mi.

Sunda hi suma hi Levi-nid’a 7:12 Kruisverwysings

2 Sunda Hamuleinid’a 29:31

Ata yi máma Ezekiyas mi de mi suma ala: Agi hagiya wa tagi mi Ma didina da’. Ki tchetchemba, agi hud’ugiya, agi mbeyegi kahle suma ngat buzu suma le mersid’a kur gong nga kud’ora hi Ma didinid’a. Ablau suma toka a mba kahle suma ngat buzu suma le mersid’a, suma pet suma huruzi min á hed’ina a hahle suma ngat buzu suma ngala mi.

2 Sunda Hamuleinid’a 33:16

Mi hulong mi min yima ngal ahle suma ngat buzuna hi Ma didinina akulo, mi hahle suma ngat buzu suma zlap darigïd’a kahle suma ngat buzu suma le mersid’a mi, mi de mi suma Juda-na ala a kud’orî Ma didina Alona hi Israel-lîna tu go.

Nehemi 12:43

Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.

Sawal la giled’a 107:8

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 116:17

An mba ni hang vama ngat buzu ma lang mersid’a, an mba ni yang simiyêng ang Ma didina mi.

Sawal la giled’a 50:23

Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Sunda hi suma hi Levi-nid’a 2:4

Le ang min he he d’a hawa d’a afut ta a ilit kur fürîd’a ni, ang he ni fangasu ma a lum ki mbulâ bei angufina, d’oze woî ma a yamam mbulâ kam bei lum kangufina mi.

Sunda hi suma hi Levi-nid’a 2:5

Le he d’a hawa mang nga afuta ni he d’a hawa d’a a reyêt kur halîd’a ni, ang lat ni kafut ta adiged’i d’a a tib’eget ki mbulâ bei angufa kuad’a,

Sunda hi suma hi Levi-nid’a 22:29

Le agi hagi vama ngat buzu ma le mersid’a mi an Ma didina ni, agi handji ni ki lovod’ot kayambala an vat abogiya d’a.

Sunda hi suma hi Levi-nid’a 6:16

He d’a hawa d’a afuta hi ma ngat buzunid’a pet, a ngalat teyo; ar sa mi tat ti.

Sunda hi suma hi Levi-nid’a 7:15

Hliuna hi vama ngat buzu ma le mersi ma zlap darigïd’ina, a mud’umî kur bur ma a hum he d’a hawad’a kurâ; ar hliuna mi bur akulo d’i.

Amos 4:5

Agi hagi vama ngat buzu ma le mersid’a zlapa kangufa, agi tchagi wala, agi dagi woi yam he d’a hawa d’a kur min magid’id’a. Agi Israel-lâ, wana ni vama agi minigizina! An Salad’a Ma didina ni de na.

Ndumba 6:15

Mi mba kavungô ma a lum bei angufina kayad’a tu, fangasu ma a lum kafut ta adiged’i d’a a tib’eget ki mbulîd’a, kak ma a lum bei anguf ma a yamam mbulâ kama, ki he d’a hawa mazi d’a afuta zlapa ki he d’a hawa mazi d’a süm guguzlud’a mi.

Wana ni Zla d’a Djivi d’a Luc mi b’irita 17:16

Mi ge tam kä avok Jesus, mi lum mersi. Sa máma ni sama Samari-na.

Wana ni Zla d’a Djivi d’a Luc mi b’irita 17:18

Sama adigazi ma hulong á subur Alonina nga d’i? Nangei máma hol zu?

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.