Sunda hi suma hi Levi-nid’a 7:11 - Bible azumeina

¹¹ Ma didina mi de kua ala: Wana ni gat ta yam vama ngat buzu ma a mba hum mi an Ma didina á zlap darigïd’ina:

Sunda hi suma hi Levi-nid’a 7:11 Kruisverwysings

2 Sunda Hamuleinid’a 29:31

Ata yi máma Ezekiyas mi de mi suma ala: Agi hagiya wa tagi mi Ma didina da’. Ki tchetchemba, agi hud’ugiya, agi mbeyegi kahle suma ngat buzu suma le mersid’a kur gong nga kud’ora hi Ma didinid’a. Ablau suma toka a mba kahle suma ngat buzu suma le mersid’a, suma pet suma huruzi min á hed’ina a hahle suma ngat buzu suma ngala mi.

2 Sunda Hamuleinid’a 33:16

Mi hulong mi min yima ngal ahle suma ngat buzuna hi Ma didinina akulo, mi hahle suma ngat buzu suma zlap darigïd’a kahle suma ngat buzu suma le mersid’a mi, mi de mi suma Juda-na ala a kud’orî Ma didina Alona hi Israel-lîna tu go.

Zla d’a d’ogolâ 7:14

An ni he wa vama ngat buzu ma zlap darigïd’a, an ndak wa vun vun man ma hle ma an hlum mAlonina ini.

Ezekiyel 45:15

Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi. Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.

Sunda hi suma hi Levi-nid’a 19:6

Vama agi ngad’am máma agi mud’umî kur bur ma agi ngad’am kurâ ki bur ma avina mi. Ad’um mba ar gak i kur bur ma hindinid’a, agi ngalat tei kakud’a.

Sunda hi suma hi Levi-nid’a 22:29

Le agi hagi vama ngat buzu ma le mersid’a mi an Ma didina ni, agi handji ni ki lovod’ot kayambala an vat abogiya d’a.

Sunda hi suma hi Levi-nid’a 7:10

He d’a hawa d’a afut ta a tib’eget ki mbulîd’a, d’oze d’a a hat hawad’a, ti mba d’i arî mi Aron groma pet bei man sa ba.

Sunda hi suma hi Levi-nid’a 7:29

Ang i de mi Israel-lâ ala: Le sana mi he vama ngat buzu ma zlap darigïd’a mi an Ma didina ni, mi hle va aduk he d’a hawa ndata, mi handjiya.

Amos 5:22

Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.