Sunda hi suma hi Levi-nid’a 6:4 - Bible azumeina

⁴ Bugola, mi fok baru mama woyo, mi tchuk baru ma dingâ atam á yo butna á tchugum mbei bugol kangâ ata yima a tinim iram vam á tchuk butna kuana.

Sunda hi suma hi Levi-nid’a 6:4 Kruisverwysings

Ad’u Tinda 21:25

Abraham mi ngop Abimelek yam golong nga azungeî mama a hlat kad’engid’a.

Nehemi 5:11

Agi hulongôgi ahle suma agi vazi abozina ini, nala, asine mazina, guguzlu mazid’a, olif mazina kaziyaziya. Ahle suma agi hazizi á mbinina pet, nala, beged’a, awuna, guguzlud’a d’oze mbulâ, ar agi vagi va tu abozi d’i.

Wana ni mbaktumba hi Job-pa 20:19

Kayam mi le suma hohoud’a ndaka, mi arazi woyo, azì ma mam yom abozi kad’engina, mi hulong mi minim nga akulo d’i.

Wana ni mbaktumba hi Job-pa 24:2

Suma a nga djok agu ma ir hagad’ina woyo, suma dingâ a nga kul aho’â, a nga poloziya.

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 18:18

Nabum ba, mi djop vun suma, mi yo ahlena kad’enga abo ndroma, mi le sunda ata yat tuo d’a aduk sum mama. Ni mam ba, mba mi mit yam tcho mamba.

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Ezekiyel 33:15

Le sama asa’atna mi hulong vama mam ndum abo sanina woyo, mi wurak yam vama mam kuluma, mi tit yam gat ta he arid’id’a bei mi le sun nda tchod’a ni, gagazi, mba mi kak karid’a, mba mi mit ti.

Ezekiyel 44:19

Ata yima a mba buzuk kei á i hur atrang nga abud’a gen suma a nga tokina, a fok baru ma a le ki sundina kä woyo, a tchuguzi kur gongîyo suma a tinizi irazi vazina. Bugola, a tchu’î baru ma dingâ atazi ba, a buzuk ki woi abua. Hina wani, suma hawana a mba fe lovota á mbut suma a tinizi irazi vazina d’uo mi.

Sunda hi suma hi Levi-nid’a 24:18

Sama mi tchi d’uwarîna, mi he d’uwarâ balumu.

Sunda hi suma hi Levi-nid’a 24:21

Sama tchi d’uwarîna mi he d’uwarâ balumu, wani sama mi tchi sanina, agi tchum mbeyo.

Sunda hi suma hi Levi-nid’a 4:12

a yom ki zla tam pet, a im bugol kangâ ata yima a tinim iram vam á tchuk butna kuana, mi ngalam mbei yam agu ma a ndjam yam akud’ina ata yima butna nga mola kua ma a ngal ahlena kama.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Sofoni 1:9

Kur bur máma an mba ni ngop suma a nga pir yam agu ma avun gongina ki suma a nga oî azina hi salazina ki ndjondjoî d’a murud’umba ki d’a mbut irina.

Malatchi 1:13

Agi nga dagi ala: Ni ndaga me na ge! Agi nga hlagi yagi woi vivik mi. An Ma didina ni de na. Ma didin ma ad’engêm kal petna mi dala: Hina wan pî, agi nga mbagi ki vama kula ki ma dileîd’a ki ma tugud’eid’a mi ala ni he d’a hawa magid’a. An mba ni vat abogi zu?

Ndumba 5:7

Mi de yam tcho mam mba mi lat ndata woyo, mi wurak gusa hi va mámid’a yam tchod’a mi lata, mi hle bege d’a ding nga ndak ir gusa hi va mámid’a, mi walat kä ad’u vahl, mi hle tu, mi tinit yam bege ndata, mi hat mi sama mam b’lagam máma.