Sunda hi suma hi Levi-nid’a 6:13 - Bible azumeina

¹³ Wana ni he d’a hawa d’a afut ta Aron azi ki groma a mba hat mi an Ma didina kur bur ma a mba vozi mbulâ kazi á tinizi irazi vazina: Afut ta adiged’i d’a kilona fid’i d’a a hat burâ ki burîd’a. A walat aduk mbà, a he tu yorogo, a he tu fladege mi.

Sunda hi suma hi Levi-nid’a 6:13 Kruisverwysings

Buzuk ka Abud’a 29:1

Ma didina mi de mi Moise kua ala: Wana ni vama ang mba lum á tinizi irazi vazi tala azi kak á lan sun nda ngat buzuna d’a: Ang vamuhl ma gorâ tu, ang yo gamlâ ma bei dakina mbà

Buzuk ka Abud’a 29:2

kavungô ma bei angufina ki woî ma bei anguf ma tib’egem ki mbulîna ki fangasu ma a lum ki mbulîna, ang lazi ni kafut ta adiged’id’a hi gemenid’a.

Buzuk ka Abud’a 29:40

Ata yima ang mba ki timi ma yorogona á ngatina, ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ ki süm guguzlud’a nus lidirâ mi.

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Ezekiyel 40:46

wani gong nga irat abo ma norîd’a ni yam suma ngat buzu suma a nga le sunda avun yima ngal ahle suma ngat buzunina mi. Mi dan kua ala: Aduk Levi groma pet ni suma abuzi ngolo ni Sado’â hol ba, a ndak á le sunda mi Ma didina kur gong mam mba kud’ora.

Sunda hi suma hi Levi-nid’a 6:12

Ma didina mi de zlad’a mi Moise kua ala:

Sunda hi suma hi Levi-nid’a 6:14

A tib’eged’u, a yat aku ki mbulâ kur halâ, a wizeget kä woi gegeleng á hat he d’a hawa d’a yid’a d’igi vama his ma afufuîna na, mi an Ma didina.

Sunda hi suma hi Levi-nid’a 6:9

He d’a hawad’a ad’ut ta ara, Aron azi ki groma a tad’u, wani a gangufa kua d’i. A tat nata yima tu ma a tinim iram vam ma kur gulumuna hi zlub’u d’a ngaf tad’ina.

Sunda hi suma hi Levi-nid’a 9:24

Akud’a ti tcholï avok Ma didina, ti ngal vama ngat buzu ma ngala ki mbulâ akulo yam yima ngal ahle suma ngat buzuna woyo. Suma pet a wad’u, a er ad’uzi akulo, a le furîd’a, a grif kä, a kulup irazi kä andaga.