Sunda hi suma hi Levi-nid’a 6:10 - Bible azumeina

¹⁰ Ar a yat kangufa d’i. Ni b’raud’a an hazizi aduk ahle suma a handji he d’a hawa d’a ngalina; ni vama a tinim iram vam ma kal tegles mi an Ma didinina d’igi vama a hum vama ngat buzuna á zlup yam tchod’ina ki vama ngat buzu ma yam tchilad’ina na mi.

Sunda hi suma hi Levi-nid’a 6:10 Kruisverwysings

Sawal la giled’a 20:3

Ei kur gong mam mba kud’ora dei mi ndjunungû, ei kur Siyon dei mi djiging akulo mi.

Sawal la giled’a 37:20

Wani suma asa’atna a mba ba woyo; suma a kak djangûna ki Ma didinina a mba mbut ni d’igi b’od’a hasunid’a na, a mba yak keyo, a mba val lei d’igi andosâ na.

Ezekiyel 44:19

Ata yima a mba buzuk kei á i hur atrang nga abud’a gen suma a nga tokina, a fok baru ma a le ki sundina kä woyo, a tchuguzi kur gongîyo suma a tinizi irazi vazina. Bugola, a tchu’î baru ma dingâ atazi ba, a buzuk ki woi abua. Hina wani, suma hawana a mba fe lovota á mbut suma a tinizi irazi vazina d’uo mi.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 16:4

Mi mbus tam mbeyo, mi tchuk baru d’a ngol la luluî d’a a tinit irat vata atam ki kalsong ma luluîna, mi djin d’ik ma luluîna furumu, mi d’ut kadamul la luluîd’a kam mi. Wana ni baru ma a tinim iram vam ma mam tchugum atama.

Sunda hi suma hi Levi-nid’a 2:11

He d’a hawa d’a afut ta lara d’a agi hat mi an Ma didinid’a, agi lat kangufa d’i. Ar agi gagi anguf foze mbul ayuma aduk ahle suma agi minizi á hazi he d’a hawa d’a ngala mi an Ma didinina d’i.

Sunda hi suma hi Levi-nid’a 21:22

Mi ndak á te te ma a tinim iram vam ma kal teglesâ ki ma a tinim iram vam mi an Alo mamina.

Sunda hi suma hi Levi-nid’a 4:12

a yom ki zla tam pet, a im bugol kangâ ata yima a tinim iram vam á tchuk butna kuana, mi ngalam mbei yam agu ma a ndjam yam akud’ina ata yima butna nga mola kua ma a ngal ahlena kama.

Sunda hi suma hi Levi-nid’a 6:11

Ar Aron grom suma andjofâ pet a tad’u; ti arî gat ta didinda yam andjavazi yam he d’a hawa d’a ngal la a hat mi an Ma didinid’a. Kayam ndata, sama lara ma mi dotna mba mi mbut ni vama a tinim iram vam mi an Ma didinina.

Sunda hi suma hi Levi-nid’a 6:18

Ang i de mi Aron azi ki groma ala: Wana ni gat ta yam vama ngat buzu ma zlup yam tchod’ina: Nata yima a nga ngat vama a hum he d’a hawa d’a ngala kuana ba, mi i ngat vama a hum vama ngat buzuna á zlup yam tchod’ina kua avogon an Ma didina; ni vama a tinim iram vam ma kal tegles mi an Ma didinina.

Sunda hi suma hi Levi-nid’a 6:22

Mandjuf ma lara ma aduk suma ngat buzunina, mi mut hliu máma, kayam ni vama a tinim iram vam ma kal tegles mi an Ma didinina.

Sunda hi suma hi Levi-nid’a 8:2

Ang yi Aron azi ki groma, ang yo baruna, ang hle mbul ma a vom yam sumina, ang vamuhl ma a hum vama ngat buzu ma zlup yam tchod’ina, ang yo gamlâna mbà, ang hle gagalaga d’a avungô ma a lum bei angufina nga kura,

Ndumba 16:21

Agi walagi tagi woi kablau sum ndazina, kayam an nga ni ngalazi woi ka tchetchem!

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Vama ndum mbeina 19:14

B’rang nga akulod’a a nga tit ad’umu, a nga yam akulumei suma hobiyona. A tchuk baru ma luluî ma hap ma titilâ ataziya.

Vama ndum mbeina 19:8

Mi hat lovota á tchuk baru d’a hap pa luluî d’a nga d’i ngal wiwilika atat mi. Baru d’a hap pa luluî ndata ti ta’î sun nda d’ingêra hi suma hAlonid’a.

Vama ndum mbeina 7:13

Ma dingâ aduk suma nglona mi djobon ala: Suma a tchuk baru d’a fiyak ka hapa atazina, azi ni suma lara ge, a tcholï ni lara ge?