Sunda hi suma hi Levi-nid’a 5:6 - Bible azumeina

⁶ Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 5:6 Kruisverwysings

Ezekiyel 40:39

Kur gong ndata tabulâ nga kua, mbà abo hî, mbà abo hî á ngat d’uwar ma a hum he d’a hawad’a ngalina, ma a hum he d’a ngat buzu d’a tetenga, ma a hum he d’a hawa d’a vat hurâ yam tchod’ina mi.

Ezekiyel 42:13

Sa máma mi dan ala: Hur gongîyo suma nga abo ma norâ ki gongîyo suma nga abo ma sut suma nga avun atrang nga krovod’ina pet ni suma a tinizi irazi vazi mAlonina. Suma ngat buzu suma ndak á kal kur gong nga kud’ora hi Ma didinid’ina, a ndak á tahle suma a hazi he d’a hawad’a suma a tinizi irazi vazina kur gongîyo ndazina. Kayam a tin gongîyo ndazina irazi vaziya, suma ngat buzuna a ndak á tchuk ahle suma a hazi he d’a hawad’a suma a tinizi irazi vazina kua, nala, he d’a hawa d’a afuta kahle suma ding suma a hazi he d’a hawa d’a ngat buzuna teteng á fe hur ma vata yam tchod’ina mi.

Ezekiyel 44:27

Kur bur ma mi kal hur atrang nga krovod’a avun gong man nda kud’orina, ar mi he vama ngat buzu ma yam tchod’ina. An Salad’a Ma didina ni de na.

Sunda hi suma hi Levi-nid’a 4:20

mi le kamuhl máma ni d’igi mi le kamuhl ma a hum á zlup yam tchod’ina na, mi le ki sed’ezi hina dedege. Mi le ki sum ndazina ni hina dedege á zlup yam tcho mazid’a. Hina wani, an Alona mba ni vat hurun ndei yam tcho mazi d’a a lata.

Sunda hi suma hi Levi-nid’a 4:28

Le mi we wa ad’u tcho mam mba mi lata ni, mi he b’ë d’a bei daka ba d’a vama ngat buzuna yam tcho d’a mi lata.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:32

Le mi he ni timina vama ngat buzuna á zlup yam tcho mamba ni, mi he ni d’a atcha d’a bei daka ba d’a.

Sunda hi suma hi Levi-nid’a 4:35

Mi yo mbul amuhl máma woi yam yima ngal ahle suma ngat buzuna pet d’igi a yo mbul timi ma a hum vama ngat buzu ma zlap darigïd’a na mi, mi i ngalam mbei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina. Mi le ki sa máma ni hina dedege á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.

Sunda hi suma hi Levi-nid’a 6:6

Akud’a mba d’i ngal yam yima ngal ahle suma ngat buzuna hina baba bei mit tei ba.

Ndumba 6:12

Ar mi tin tam tin nda dinga irat vat mi an Ma didina d’igi mi tin tam avok na, ar mi he timi ma bizam tuna vama ngat buzuna yam tchilad’a. Bur ma kal leina sa mba mi ndumum mbi, kayam tin nda mam tin tam irat vata ti mbut ndjendjed’a da’.