Sunda hi suma hi Levi-nid’a 5:17 - Bible azumeina

¹⁷ Le sana mi tchila yam vun ma hed’a hi an Ma didinina tu, mi le tchod’a bei mi wat ad’ut pî, zlad’a nga kamu; tcho mam ndata ti arî kam na.

Sunda hi suma hi Levi-nid’a 5:17 Kruisverwysings

Sawal la giled’a 19:12

Ma didina, ni vun mang ma hed’a ba, nga mi had’an an azong mangâ; sama nga mi tit kama, nga mi fe wurak ka ngola kua.

Sunda hi suma hi Levi-nid’a 4:13

Ma didina mi de kua ala: Le ablaud’a hi Israel-lîd’a ti le tchod’a bei min mata, le ti tchila yam vun man ma hed’a tu, le ti le tcho d’a ndak á led’a d’uo d’a bei wad’ud’a ba ni, zlad’a nga kad’u.

Sunda hi suma hi Levi-nid’a 4:22

Ma didina mi de kua ala: Le amulâ mi le tchod’a bei min mamba, le mi tchila yam vun man ma hed’a tu, le mi le tcho d’a ndak á led’a d’uo d’a bei mi wat ad’ut ba ni, zlad’a nga kamu.

Sunda hi suma hi Levi-nid’a 4:27

Ma didina mi de kua ala: Le sama hawa ma aduk sumina mi le tchod’a bei min mamba, le mi tchila yam vun man ma hed’a, le mi le tcho d’a ndak á led’a d’uo d’a bei mi wat ad’ut ba ni, zlad’a nga kamu.

Sunda hi suma hi Levi-nid’a 5:15

Le sana mi le tchod’a bei wat ad’ut ba, mi hahle suma a tinizi irazi vazi mi an Ma didinina d’uo ni, mi mba ki gamlâ ma bei daka ma aduk d’uwar mamina mi an Ma didina, mi hum yam tchila mamba; ni gamlâ ma guzum ndak ir aneka hi bege d’a a ngat á hed’a yam zlub’u d’a kud’orid’a.

Sunda hi suma hi Levi-nid’a 5:18

Ar mi mba ki gamlâ ma bei daka ma aduk d’uwar mam ma guzum ndak ir aneka hi bege d’a a ngat á hed’a yam zlub’u d’a kud’orid’a mi ma ngat buzuna yam tchila mamba. Ma ngat buzu máma mi ngad’am kä á zlup yam tcho mam mba mi lat bei wat ad’ut ba d’a. Hina wani, an Alona mba ni vat hurun ndei yam tcho mamba.

Sunda hi suma hi Levi-nid’a 5:19

Wana ni vama ngat buzu ma yam tchilad’ina, kayam sa máma zlad’a nga kam avogon an Ma didina gagazi.

Wana ni Zla d’a Djivi d’a Luc mi b’irita 12:48

Wani sama we nga d’uo na, mi le vama ndak á tod’a, a mba tom akid’eid’a. Sama a hum ahlena ngolina, a mba djobom ahlena ngola; sama a hum ahlena ngola á ngombina, a mba djobom ahlena ngola kala.

Romê-na 14:23

Wani sama mi te ki gigritina, Alona mba mi kam sariyad’a kamu, kayam mam te nga ki he gagazid’a d’i. Kayam ahlena pet suma a lazi bei he gagazid’ina ni tchod’a.