Sunda hi suma hi Levi-nid’a 5:16 - Bible azumeina

¹⁶ Mi hle bege d’a ding nga ndak ir gusa hi gamlâ mámid’a, mi walat kä ad’u vahl, mi hle tu, mi hat mi ma ngat buzuna yam gusa hi gamlâ mámid’a kua. Wani sa máma mi wurak va yam tugut ta mi tugut tam ki vana hi zlub’u d’a kud’orina. Ma ngat buzu máma mi hat zlapa ki gamlâ ma mam hum vama ngat buzuna yam tchila mamba á zlup yam tcho mambina. Hina wani, an Alona mba ni vat hurun ndei yam tcho mamba.

Sunda hi suma hi Levi-nid’a 5:16 Kruisverwysings

Sawal la giled’a 69:4

An seî wa abo tchina, delen ndi so wa ndandang, iran ndi so wa woi ngolol á djubung ang Alo mana.

Buzuk ka Abud’a 22:1

Ma didina mi de kua ala: Le sana mi kul amuhl hloze timina, le mi ngad’am mboze mi guzum mbeyo ni, mi wurak amuzleina vahl yam amuhl ma tuna, tumiyôna fid’i yam timi ma tuna mi.

Sunda hi suma hi Levi-nid’a 22:14

Le sana mi te he d’a hawa d’a a tinit irat vata ir vita ni, mi wurak ahlena mi ma ngat buzuna ir gusa hi he d’a hawa ndatid’a, mi hle vama ding ma ndak ir gusa hi he d’a hawa ndatina, mi walam kä ad’u vahl, mi hle tu, mi tinim yam he d’a hawa ndata kua.

Sunda hi suma hi Levi-nid’a 27:13

Le salama mi min á mbud’um yamu ni, mi wurak gusa hi va máma d’a ma ngat buzuna mi ngata, mi hle bege d’a ding nga ndak ir gusa hi va mámid’a, mi walat kä ad’u vahl mi hle tu, mi tinit yam gusa hi va mámid’a kua.

Sunda hi suma hi Levi-nid’a 27:15

Le salama mi min á mbud’um yamu ni, mi wurak gusa hazì mámid’a, mi hle bege d’a ding nga ndak ir gusa hazì máma d’a ma ngat buzuna mi ngata, mi walat kä ad’u vahl, mi hle tu, mi tinit yam gusa hazì mámid’a kua.

Sunda hi suma hi Levi-nid’a 27:27

Le ni d’uwar ma ndjendjed’a, le salama mi min á hulong wurak kam kua ni, mi wurak gusa hi va mámid’a, mi hle bege d’a ding nga ndak ir gusa hi va máma d’a ma ngat buzuna mi ngata, mi walat kä ad’u vahl, mi hle tu, mi tinit yam gusa hi va mámid’a kua. Le mi wurak kam mbuo ni, ma ngat buzuna mi guzum mbei ki sama dingâ ki gus sa mam ngata.

Sunda hi suma hi Levi-nid’a 27:31

Le sana mi min mi mbut vama mam handji dimina ni, mi wurak gusa hi va mámid’a, mi hle bege d’a ding nga ndak ir gusa hi va máma d’a ma ngat buzuna mi ngata, mi walat kä ad’u vahl, mi hle tu, mi tinit yam gusa hi va mámid’a kua.

Sunda hi suma hi Levi-nid’a 4:20

mi le kamuhl máma ni d’igi mi le kamuhl ma a hum á zlup yam tchod’ina na, mi le ki sed’ezi hina dedege. Mi le ki sum ndazina ni hina dedege á zlup yam tcho mazid’a. Hina wani, an Alona mba ni vat hurun ndei yam tcho mazi d’a a lata.

Sunda hi suma hi Levi-nid’a 4:26

Mi ngal mbul amuhl máma yam yima ngal ahle suma ngat buzuna pet d’igi a ngal mbul amuhl ma a hum vama ngat buzu ma zlap darigïd’a na mi. Mi le kamul máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 5:10

Mi ngal gugu d’a hid’a d’igi gata ti de na. Mi le ki sama mi he vana á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.

Sunda hi suma hi Levi-nid’a 5:13

Mi le ki sa máma ni hina dedege á zlup yam tcho mam mba mi lat kur ahle ndazinid’a. Hina wani, an Alona mba ni vat hurun ndei yam tcho mamba. Afuta ad’ut ta ara ti arî hi ma ngat buzunid’a.

Sunda hi suma hi Levi-nid’a 5:6

Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 7:2

Nata yima a nga ngat vama a hum he d’a hawa d’a ngala kuana ba, mi i ngat vama ngat buzu ma sana mi hum yam vama mi b’lagama kua, mi yam buzuna huyok yima ngal ahle suma ngat buzuna, mi nguyum mbei d’uhl.

Ndumba 5:7

Mi de yam tcho mam mba mi lat ndata woyo, mi wurak gusa hi va mámid’a yam tchod’a mi lata, mi hle bege d’a ding nga ndak ir gusa hi va mámid’a, mi walat kä ad’u vahl, mi hle tu, mi tinit yam bege ndata, mi hat mi sama mam b’lagam máma.

Ndumba 5:8

Le wiyem ma go ma ve wuraka yam tcho ndatina nga d’uo ni, mi hat mi an Ma didina, nala, mi hat mi ma ngat buzuna. Mi he gamlâna kam kua á zlup yam tcho mamba; ma ngat buzuna mi le ki vama ngat buzu máma d’igi mi le sun nda zlup tchod’a na tala sa máma mi fe hur ma vata yam tcho mamba d’a.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

1 Samuel 6:3

Azi hulong dazi ala: Le agi min hulongôgi zandu’â hAlona hi Israel-lîna ni, agi hulongôm hawa d’i. Wani agi hagi he d’a hawad’a yam zla d’a vagid’a mAlona hi Israel-lîna. Wani tagi mba d’i tchuk simetna. Ata yi máma agi mba wagi ala doli Alona nga mi aragi bei ngopa d’uo ni na.