Sunda hi suma hi Levi-nid’a 5:11 - Bible azumeina

¹¹ Le mi nga ki va á gus gugu bed’egera mbà d’oze gugu d’a avo d’a gureid’a mbà d’uo ni, mi hafut ta adiged’id’a kilona fid’i á zlup yam tcho mam mba mi lata, mi vo mbulâ kat tuo, mi vo dubang ma his djivid’ina kat tuo mi, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 5:11 Kruisverwysings

Buzuk ka Abud’a 16:18

Bugola, azi ngam kilona mbàmbà, sama mi yo ngolina, mi fe nga ngola kal li; sama mi yo akid’einina, mi kid’ak nga kam mbuo mi. Nge nge pî mi fe ndak yam te mama.

Buzuk ka Abud’a 16:36

Man ma suma dogo a ndak á tum kur bur ma tunina, nala, kilona dok mbà, ni nga d’a Israel-lâ a tinit á nga kahlenid’a.

Sunda hi suma hi Levi-nid’a 1:14

Le he d’a hawa mam mba ngala le naluweina ni, ar mi he gugu bed’egera d’oze gugu d’a avod’a.

Sunda hi suma hi Levi-nid’a 12:8

Le d’i nga ki timi d’uo ni, ti yo gugu bed’egera mbà d’oze gugu d’a avo d’a gureid’a mbà, tu yam vama ngat buzu ma ngala, tu yam vama ngat buzu ma mi zlup yam tchod’ina. Ma ngat buzuna mi zlubut yam tcho mata; ndat mba d’i mbut yed’et.

Sunda hi suma hi Levi-nid’a 14:21

Ma didina mi de kua ala: Le sama libina mi houd’a, ahligiyem ndak nga d’uo ni, mi ve gor timina tu yam vama ngat buzu ma tchilad’a, a gazam akulo avogon an Ma didina á zlup yam tcho mamba. Mi nga afuta kilona hindi, mi tib’eget ki mbulâ á hat he d’a hawad’a zlapa ki mbulâ nus lidirâ.

Sunda hi suma hi Levi-nid’a 27:8

Le sana mi hle vunama mam mi ma hou ma ndak á wurak bege d’a a ngatina d’uo ni, mi i ki sama mi hle vunam kama avok ma ngat buzuna. Hina ma ngat buzu máma mi le gusa ni yam ad’enga hi sama mi hle vunam máma.

Sunda hi suma hi Levi-nid’a 5:12

Mi mbat mi ma ngat buzuna. Ma ngat buzu máma mi yot hur abom ma tuna d’igi vama ge humba na, mi i ngalat tei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina, kayam ni he d’a hawa d’a a hat á zlup yam tchod’id’a.

Sunda hi suma hi Levi-nid’a 5:6

Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 5:9

Mi yam buzuna hi vama a hum á ngat buzuna á zlup yam tchod’ina huyok yima ngal ahle suma ngat buzuna. Buzuna ad’um mba ara, mi yamam ata kawei ma kä ad’u yima a ngal ahle suma ngat buzuna kuana. Wana ni he d’a hawa d’a a hat á zlup yam tchod’id’a.

Sunda hi suma hi Levi-nid’a 6:20

Vama lara ma mi do hliu va mámina, mba mi mbut ni vama a tinim iram vam mi an Ma didinina. Le buzuna hi vama a ngad’am máma mi do ata baruna ni, mi mbuzumî ata yima tu ma a tinim iram vam ma kal tegles mi an Ma didinina.

Ndumba 5:15

sa máma mi mba kamam ndata mi ma ngat buzuna zlapa ki he d’a hawa d’a afuta hawu orsînid’a. Mi vo mbulâ yam afut ndata d’i, mi vo dubang ma his djivid’ina kat tuo mi, kayam ni he d’a hawa d’a yam djib’er ra mbàmbàd’id’a, ni he d’a hawa d’a ge humba yam tchod’id’a.

Wana ni Zla d’a Djivi d’a Luc mi b’irita 2:24

Josef azi ki Marie a he vama ngat buzuna d’igi a b’ir kur gata hi Salad’id’a na, nala, gugu bed’egera mbà d’oze gugu d’a avo d’a gureid’a mbà.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Hebre-na 9:22

D’igi gata ti de na, ahlena pet a mbuzuzi woi yed’et ni ki buzuna. Bei buzuna mi djang ngei ba ni, Alona nga mi vat hurum mbei yam tchod’a d’i.