Sunda hi suma hi Levi-nid’a 4:4 - Bible azumeina

⁴ Mi i kamuhl ma azong máma avun zlub’u d’a ngaf tad’a, mi tin abom kamu, mi ngad’am kä avogon an Ma didina.

Sunda hi suma hi Levi-nid’a 4:4 Kruisverwysings

2 Sunda Hamuleinid’a 29:23

A mba ki mbekmbere ma kid’iziya ma a hum á zlup yam tchod’ina avok amulâ azi kablau suma a nga tokina. Amulâ azi kablaud’a a tin abozi yam mbekmbere ma kid’iziya máma.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Sunda hi suma hi Levi-nid’a 16:21

Mi tin abom ki zla tam djak yam mbekmbere máma, mi de woi yam tchilad’a hi Israel-lîd’a ki murud’um mazid’a ki tcho mazid’a pet, mi tinizi yam mbekmberena. Bugola, mi hum abo sama a manam yam sun ndatina, mi i ki sed’em mi gum sä woi abagei hur fulâ.

Sunda hi suma hi Levi-nid’a 4:15

Suma nglo suma avok Israel-lîna a tin abozi yam amuhl máma avogon an Ma didina, a ngad’am kä avogon mi.

Sunda hi suma hi Levi-nid’a 4:29

Mi tin abom yam b’ë d’a mam hat á ngat buzuna á zlup yam tchod’id’a, mi i ngad’at ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 8:14

Moise mi mba kamuhl ma a hum vama ngat buzuna á zlup yam tchod’ina. Aron azi ki groma a tin abozi yam amuhl máma.

Ndumba 8:12

Suma hi Levi-na a tin abozi yam amuzlei suma mbà ndazina. Ang he tu vama ngat buzu ma zlup yam tchod’a, ang he tu vama ngat buzu na ngala mi an Ma didina á zlup yam tcho mazid’a.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.