Sunda hi suma hi Levi-nid’a 4:3 - Bible azumeina

³ Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Sunda hi suma hi Levi-nid’a 4:3 Kruisverwysings

2 Sunda Hamuleinid’a 29:21

A mba kamuzleina kid’iziya, gamlâna kid’iziya, gro tumiyôna kid’iziya ki mbekmberena kid’iziya á he he d’a hawa d’a ngala á zlup yam tchod’a hi leud’id’a, yam yima a tinim iram vama, yam suma Juda-na pet mi. Ezekiyas mi he vuna mandjafâ hi Aron suma ngat buzuna á ngat ahle ndazina buzuna yam yima ngal ahle suma ngat buzuna hi Ma didinina.

Esdras 8:35

Suma a tcholï kur magomba a mbana, a he he d’a hawa d’a ngala mAlona hi Israel-lîna amuzlei suma andjofâ dogo yam mbà, gamlâna dok zlengâ yam karagaya, gro tumiyôna dok kid’iziya yam kid’iziya, mbekmberena dogo yam mbà ngad’a yam Israel-lâ pet á zlup yam tchod’a. Azi pet a hazi he d’a hawa d’a ngala mi Ma didina.

Buzuk ka Abud’a 29:14

Wani ang yo hliwa amuhlâ ki bagam ki sud’omu, ang i ngalazi woi bugol kangâ. Wana ni vama ngat buzu ma yam tchod’ina.

Buzuk ka Abud’a 29:21

Ang go buzu ma yam yima ngal ahle suma ngat buzunina do ki mbul ma a tinim iram vama mi. Ang yamazi yam Aron ki baru mamba, yam groma ki baru mazina mi. Ni hina ba, ang mba tin Aron iram vam ki baru mamba, ang mba tin groma irazi vazi ki baru mazina mi.

Buzuk ka Abud’a 29:7

Ang hle mbul ma a tinim iram vama, ang vomzi kamu, ang tinim iram vamu.

Buzuk ka Abud’a 30:10

Aron mba mi yam buzuna hi vama a ngad’am á zlup yam tchod’ina ata keng yima ngal dubang ma his djivid’ina yam tu kur bizad’a. Agi lagi hina á zlup yam tchod’a kur biza d’a lara ge pet kur atchogoi magid’a pet mi. Yima ngal dubang ma his djivid’a máma mba mi arî yima yed’et ma a tinim iram vam yam an Ma didinina.

Ezekiyel 40:39

Kur gong ndata tabulâ nga kua, mbà abo hî, mbà abo hî á ngat d’uwar ma a hum he d’a hawad’a ngalina, ma a hum he d’a ngat buzu d’a tetenga, ma a hum he d’a hawa d’a vat hurâ yam tchod’ina mi.

Ezekiyel 43:19

Ang he suma ngat buzu suma hi Levi suma ad’u andjafâ hi Sadok suma an hazi vuna á lan sundina gor amuhlâ. Azi hum vama ngat buzuna á fe vat hurâ atanu. An Salad’a Ma didina ni de na.

Ezekiyel 44:27

Kur bur ma mi kal hur atrang nga krovod’a avun gong man nda kud’orina, ar mi he vama ngat buzu ma yam tchod’ina. An Salad’a Ma didina ni de na.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 16:11

Aron mi hamuhl mama vama ngat buzuna á zlup yam tcho mamba ki d’a hi sum mamid’a, mi ngat amuhl mama yam tchod’a.

Sunda hi suma hi Levi-nid’a 16:3

Wana ni lovot ta Aron mba mi kal ki kur yima a tinim iram vam ma kal teglesid’a: Mi vamuhl ma azongâ yam vama ngat buzu ma zlup yam tchod’a, mi ve gamlâna yam vama ngat buzu ma ngala.

Sunda hi suma hi Levi-nid’a 16:5

Mi yo mbekmberena abo ablaud’a hi Israel-lîd’a mbà yam vama ngat buzu ma zlup yam tchod’a, gamlâna tu yam vama ngat buzu ma ngala mi.

Sunda hi suma hi Levi-nid’a 16:6

Aron mi hamuhl máma vama ngat buzu ma zlup yam tcho mamba ki d’a hi sum mamid’a.

Sunda hi suma hi Levi-nid’a 4:14

Ata yima tcho d’a ti lata ad’ut ti nde woina, ti vamuhl ma azongâ, ti i ki sed’em avun zlub’u d’a ngaf tad’a á zlup yam tcho mat ndata.

Sunda hi suma hi Levi-nid’a 4:23

Le mi we wa ad’u tcho mam mba mi lata ni, mi he mbekmbere ma bei daka ba na vama ngat buzuna.

Sunda hi suma hi Levi-nid’a 4:28

Le mi we wa ad’u tcho mam mba mi lata ni, mi he b’ë d’a bei daka ba d’a vama ngat buzuna yam tcho d’a mi lata.

Sunda hi suma hi Levi-nid’a 4:5

Ma ngat buzu máma mi go buzuna hamuhlîna, mi i ki sed’em kur zlub’u d’a ngaf tad’a,

Sunda hi suma hi Levi-nid’a 5:6

Bugola, mi mba ki he d’a hawa d’a yam tcho mam mba mi lata avogon an Ma didina, mi mba ni ki timid’a d’oze b’ëd’a vama ngat buzuna á zlup yam tcho mamba. Ma ngat buzuna mba mi ngad’at á zlup yam tcho mamba.

Sunda hi suma hi Levi-nid’a 6:18

Ang i de mi Aron azi ki groma ala: Wana ni gat ta yam vama ngat buzu ma zlup yam tchod’ina: Nata yima a nga ngat vama a hum he d’a hawa d’a ngala kuana ba, mi i ngat vama a hum vama ngat buzuna á zlup yam tchod’ina kua avogon an Ma didina; ni vama a tinim iram vam ma kal tegles mi an Ma didinina.

Sunda hi suma hi Levi-nid’a 8:12

Mi vo mbul ma a vom yam sumina yam Aron á tinim iram vamu.

Sunda hi suma hi Levi-nid’a 9:2

mi de mi Aron ala: Ang i veï amuhl ma gor ma bei dakina á hum vama ngat buzuna á zlup yam tchod’a ki gamlâ ma bei dakina á hum vama ngat buzu ma ngala, ang mbazï avok Ma didina.

Sunda hi suma hi Levi-nid’a 9:3

Ang de mi Israel-lâ ala: Agi vagi mbekmberena á hum vama ngat buzuna á zlup yam tchod’a, agi vagi amuhl ma gorâ ki timi ma gorâ suma bizazi tutu suma bei dakina á hazi ahle suma ngat buzu suma ngala,

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 8:8

A vamuhl ma azongâ zlapa ki he d’a hawa d’a afut ta adiged’i d’a a tib’eget ki mbulîd’a. Ang tanga vamuhl ma azong ma dingâ kua ngad’a yam vama ngat buzu ma zlup yam tchod’a.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Hebre-na 5:3

Kayam ndata, le ni nana pî, mi ndak á ngat buzuna yam tcho mamba d’igi mam nga mi ngat yam tchod’a hi sumid’a na mi.

Hebre-na 9:12

Christ mi kal ata yima Alona mi tinim iram vam ma kal teglesâ, ni ki buzuwa aho’â d’oze buzuwa gro amuzleina abom mbi, wani mi kalî ki buzuwam mam tamba yam tu á wurak kei gak didin.