Sunda hi suma hi Levi-nid’a 4:25 - Bible azumeina

²⁵ Ma ngat buzuna mi nik tchitchid’am tu aduk buzuna hi vama a hum vama ngat buzuna á zlup yam tchod’a máma, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:25 Kruisverwysings

Buzuk ka Abud’a 29:12

Ang go buzuna hamuhlîna, ang yamam ki tchitchid’ang tu yam yima ngal ahle suma ngat buzuna kengêm ma djudjungûhlâ, ang vo buzu ma arâ kä ata kawei ma kä ad’u yima ngal ahle suma ngat buzunina pet mi.

Isai 40:21

Agi wagizi nga d’uo? Agi humugizi nga d’uo? A dagizi nga zlam kad’u tinda dei d’uo? Agi humugi nga zla ge d’a a gäd’u andagad’id’a d’uo mi zu?

Sunda hi suma hi Levi-nid’a 16:18

Ata yima mi nde woi ata yima ngal ahle suma ngat buzu ma nga avogon an Ma didinina, mi mbut yima ngal ahle suma ngat buzuna yed’et, mi go buzuna hamuhlîna ki buzuna hi mbekmberenina, mi yamam akulo keng yima ngal ahle suma ngat buzu ma djedjed’engâ mi nguyum mbei d’uhl.

Sunda hi suma hi Levi-nid’a 17:11

Kayam arid’a hi vana ni kur buzuna, an hagizi yam yima ngal ahle suma ngat buzuna; ni kayambala mi zlup yam tcho magid’a d’a. Kayam ni buzu ma djang ngeina ba, mi zlup yam tchod’a, mi ar sana mi kak karid’a mi.

Sunda hi suma hi Levi-nid’a 4:18

Mi yam buzuna akulo keng yima ngal dubang ma his djivid’a ma nga avogon an Ma didina kur zlub’u d’a ngaf tad’ina, mi vo buzu máma kä kur kawei ma ad’u yima ngal ahle suma ngat buzuna ma nga avun zlub’u d’a ngaf tad’ina pet mi.

Sunda hi suma hi Levi-nid’a 4:24

Mi tin abom yam mbekmbere máma, mi i ngad’am kä avogon an Ma didina ata yima a ngat ahle suma ngala kuana. Wana ni vama ngat buzu ma zlup yam tchod’ina.

Sunda hi suma hi Levi-nid’a 4:30

Ma ngat buzuna mi nik tchitchid’am tu aduk buzuna hi vama a hum vama ngat buzunina, mi yamam akulo keng yima ngal ahle suma ngat buzu ma a nga ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:34

Ma ngat buzuna mi nik tchitchid’am tu aduk buzuna hi vama a hum vama ngat buzuna yam tchod’ina, mi yamam akulo keng yima ngal ahle suma ngat buzu ma a ngal he d’a hawa d’a ngala kuana, mi vo buzu máma kä kur kawei ma kä ad’uma mi.

Sunda hi suma hi Levi-nid’a 4:7

Mi do buzuna akulo keng yima ngal dubang ma his djivid’a ma nga avogon an Ma didina kur zlub’u d’a ngaf tad’ina, mi vo buzu máma kä kur kawei ma kä ad’u yima ngal ahle suma ngat buzuna ma nga avun zlub’u d’a ngaf tad’ina pet mi.

Sunda hi suma hi Levi-nid’a 5:9

Mi yam buzuna hi vama a hum á ngat buzuna á zlup yam tchod’ina huyok yima ngal ahle suma ngat buzuna. Buzuna ad’um mba ara, mi yamam ata kawei ma kä ad’u yima a ngal ahle suma ngat buzuna kuana. Wana ni he d’a hawa d’a a hat á zlup yam tchod’id’a.

Sunda hi suma hi Levi-nid’a 8:10

Moise mi hle mbul ma a vom yam sumina, mi vom yam zlub’u d’a kud’ora kahle suma kurutna pet á tinizi irazi vaziya.

Sunda hi suma hi Levi-nid’a 8:15

Moise mi ngad’amu, mi go buzuna, mi yamam akulo ki tchitchid’am tu keng yima ngal ahle suma ngat buzuna, mi nguyum mbei d’uhl á tinim iram vamu. Bugola, mi vo buzuna kä ata kawei ma kä ad’u yima ngal ahle suma ngat buzunina á tinim iram vam á le sun nda zlup yam tchod’id’a kua.

Sunda hi suma hi Levi-nid’a 9:9

Groma a mbam buzuna. Mi nik tchitchid’am tu adugu, mi yamam akulo keng yima ngal ahle suma ngat buzu ma djedjed’engâ, mi yamam ata kawei ma ad’u kä na mi.

Romê-na 10:4

Kayam Christ mi ndak vun gata hi Moise-sa memet á mbut suma pet suma a he gagazid’ina d’ingêr avok Alona.

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

Hebre-na 9:22

D’igi gata ti de na, ahlena pet a mbuzuzi woi yed’et ni ki buzuna. Bei buzuna mi djang ngei ba ni, Alona nga mi vat hurum mbei yam tchod’a d’i.