Sunda hi suma hi Levi-nid’a 3:5 - Bible azumeina

⁵ Aron groma a ngalazi akulo yam yima ngal ahle suma ngat buzuna zlapa ki vama hum he d’a hawa d’a ngal ma nga yam agu ma akuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 3:5 Kruisverwysings

1 Amuleina 8:64

Kur bur máma amulâ Salomon mi tin atrang nga avun gonga hi Ma didinina ped’eta irat vad’u, mi he he d’a hawa d’a ngala, mi he he d’a hawa d’a afuta ki he d’a hawa d’a mbulâ á le darigïd’a ki Ma didina ata yi máma, kayam yima ngal ahle suma ngat buzu ma kawei ma hleu ma avok Ma didinina, mi ndak nga yam ahle ndazina pet ti.

2 Sunda Hamuleinid’a 35:14

Bugola, suma hi Levi-na a min te ma kazi azina ki tena hi suma ngat buzunina, kayam suma ngat buzuna andjafâ hi Aron-na, a nga le sun nda ngal ahle suma ngat buzu suma ngala ki mbul ahle suma ngat buzuna gak andjege. Ni kayam ndata ba, suma hi Levi-na a min tena kazi azi ki suma ngat buzuna andjafâ hi Aron-na.

Buzuk ka Abud’a 29:13

Ang yo mbul ma yam aruwatnina pet, ang ngat aduduka vunat ma lelegem ma go ki b’orozombina ki b’orozomba zla tat djak ki mbul ma katna mi, ang ngalazi yam yima ngal ahle suma ngat buzuna.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 44:7

Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:17

Ar mi wak gugu ndata aduk bei ngad’at gigingât tei ba, ar mi ngalat tei yam yima ngal ahle suma ngat buzuna yam agu ma a vum akud’ina. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 3:11

Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi mi an Ma didinina.

Sunda hi suma hi Levi-nid’a 3:4

b’orozomba djak ki mbul ma katna ki ma yam fefed’ema kaduduka vunat ma lelegem ma go ki b’orozombina mi.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:35

Mi yo mbul amuhl máma woi yam yima ngal ahle suma ngat buzuna pet d’igi a yo mbul timi ma a hum vama ngat buzu ma zlap darigïd’a na mi, mi i ngalam mbei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina. Mi le ki sa máma ni hina dedege á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.

Sunda hi suma hi Levi-nid’a 6:12

Ma didina mi de zlad’a mi Moise kua ala:

Sunda hi suma hi Levi-nid’a 7:28

Ma didina mi de mi Moise kua ala:

Sunda hi suma hi Levi-nid’a 9:17

Mi he he d’a hawa d’a afuta hur abom tu, mi ngalat akulo yam yima ngal ahle suma ngat buzuna zlapa ki he d’a hawa d’a ding nga ngal la a hat yorogod’a.

Ndumba 15:8

Le a han namuhlâ vama ngat buzu ma ngala d’oze vama ngat buzu ma zlap darigïd’a d’oze á ndak vun vun ma hled’a d’oze vama ngat buzu ma hawana ni,

Ndumba 18:17

Wani ang mbut yam gor amuhl ma a vud’um avo’â d’oze yam gor timi ma a vud’um avo’â d’oze yam gor b’ë ma a vud’um avo’â d’uo mi. Azi nahle suma djivi suma a tinizi irazi vazina. Ang vozi buzuwazi yam yima ngal ahle suma ngat buzuna, ang ngalazi mbuluzi vama ngal ma his ma afufuîna avoron an Ma didina.

Ndumba 28:12

Agi mbagi kafut ta adiged’i d’a a tib’eget ki mbulîd’a kilona zlengâ yam amuhlâ, agi mbagi kafut ta adiged’i d’a a tib’eget ki mbulîd’a kilona karagaya yam gamlâna,

Ndumba 28:3

Vama ngat buzu ma ngal ma agi handji mi an Ma didina burâ ki burîna ba wana: Gro tumiyô suma bizazi tutu suma bei dakina mbà, ni he d’a hawa d’a ngal la didinda.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.