Sunda hi suma hi Levi-nid’a 3:16 - Bible azumeina

¹⁶ Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi suma his suma afufuî suma avogon an Ma didinina. Yima mbulâ pet, a tinim iram vam mi an Ma didina.

Sunda hi suma hi Levi-nid’a 3:16 Kruisverwysings

Ad’u Tinda 4:4

Abel mi mba ki gro tumiyô mam suma d’or suma vut avo’â, mi ngad’aziya, mi he hliu ma djivi ma kalâ he d’a hawad’a mi Ma didina. Ma didina hurum ve Abel ki he d’a hawa mamba,

2 Sunda Hamuleinid’a 29:35

Kayam ahle suma ngat buzu suma ngala a nga ngola ki mbulâ hahle suma ngat buzu suma zlap darigïd’a zlapa ki süm guguzlu d’a ngala. Ni hina ba, mi hulong tin kud’ora kur gonga hi Ma didinid’a.

2 Sunda Hamuleinid’a 7:7

Amulâ Salomon mi tin atrang nga avun gonga hi Ma didinid’a ped’eta irat vad’u, mi he he d’a hawa d’a ngala, mi he he d’a hawa d’a afuta ki he d’a hawa d’a mbulâ á le darigïd’a ki Ma didina ata yi máma, kayam yima ngal ahle suma ngat buzu ma kawei ma hleu ma Salomon mi minima, mi ndak nga yam ahle ndazina pet ti.

Buzuk ka Abud’a 29:13

Ang yo mbul ma yam aruwatnina pet, ang ngat aduduka vunat ma lelegem ma go ki b’orozombina ki b’orozomba zla tat djak ki mbul ma katna mi, ang ngalazi yam yima ngal ahle suma ngat buzuna.

Buzuk ka Abud’a 29:22

Ang yo mbulâ hi gamlânina kandjawam ki mbul ma yam aruwatnina kaduduka vunat ma lelegem ma go ki b’orozombina, ki b’orozomba zla tat djak ki mbul ma katna kab’al ma ndjufâ mi, kayam ni gamlâ ma ngad’a yam tin nda a tin sana kur sundid’a.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Sunda hi suma hi Levi-nid’a 17:6

Ma ngat buzu máma mi yam buzuna akulo yam yima ngal ahle suma ngat buzuna hi an Ma didinina avun zlub’u d’a ngaf tad’a, mi ngal mbulâ d’ala mi his afufuîd’a avogon an Ma didina d’a.

Sunda hi suma hi Levi-nid’a 4:26

Mi ngal mbul amuhl máma yam yima ngal ahle suma ngat buzuna pet d’igi a ngal mbul amuhl ma a hum vama ngat buzu ma zlap darigïd’a na mi. Mi le kamul máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 8:25

Moise mi yo hliu ma mbulâ kandjaud’a, ki mbul ma yam aruwatnina, kaduduka vunat ma lelegema, ki b’orozomba djak ki mbul ma katna kab’al ma ndjufâ mi.

Sunda hi suma hi Levi-nid’a 9:24

Akud’a ti tcholï avok Ma didina, ti ngal vama ngat buzu ma ngala ki mbulâ akulo yam yima ngal ahle suma ngat buzuna woyo. Suma pet a wad’u, a er ad’uzi akulo, a le furîd’a, a grif kä, a kulup irazi kä andaga.

Matiye 22:37

Jesus mi hulong dum ala: Ang le yam Ma didina Alo mangâ ki hurung pet ki tang pet ki djib’er manga pet mi.