Sunda hi suma hi Levi-nid’a 27:21 - Bible azumeina

²¹ fata biza d’a ngol la furîd’a ndaka, asine máma mba mi arî hi an Ma didinina, mba mi mbut ni hi suma ngat buzunina d’igi asine ma a tinim iram vam mi an Ma didina ki iram fafatna na.

Sunda hi suma hi Levi-nid’a 27:21 Kruisverwysings

Esdras 10:8

Suma avok suma ki suma nglona a ndjak vunazi ala: Sama lara pî ma mi mba nga kur bur ma hindi ma a ngama d’uo na, a mba hurumum ahligiyemu, a mba digim mbei aduk adesâ hi suma a tcholï ata yima magombina mi.

Ezekiyel 44:29

Azi mba wul tazi ni ki he d’a hawa d’a afuta kahle suma ngat buzu suma yam tchod’ina kahle suma ngat buzu suma yam vat hurîna mi. Ahlena pet suma a tinizi irazi vazi yam an Ma didinina, a mba arî mazina mi.

Sunda hi suma hi Levi-nid’a 25:10

Biza d’a dok vahla, agi tinit irat vad’u, agi tchagi wala kur ambasa á tchuk suma akulo. Biza ndata mba d’i mbut ni biza d’a ngol la furîd’a. Nge nge pî adigagi mba mi hulong hle va mama, mba mi hulong ad’u adezem mi.

Sunda hi suma hi Levi-nid’a 25:28

Le mi fe nga vama mi wurak kam mbuo ni, vama mi guzum mbeina, mi arî hi sama mi guzum aboma gak biza d’a ngol la furîd’a. Sama mam hum vanina, mba mi nde woi kur biza ndata; sala vana mi hulong hle va mama mi.

Sunda hi suma hi Levi-nid’a 25:31

Wani azì ma abagei ma a nguyum nga ki gulumuna d’uo na, mba ndumumî d’igi andaga d’a kä hawad’a na. A mba guzum mbeyo, wani salam ma guzuma, mba mi nde woi kurum kur biza d’a ngol la furîd’a.

Sunda hi suma hi Levi-nid’a 27:20

Le mi hulong mi mbut nga asine mama d’uo ba, mi guzum mbei abo sama dingâ ni, mi ndak á hulong mi mbud’um bugol luo d’a;

Sunda hi suma hi Levi-nid’a 27:22

Le sana mi tin asine mam ma mi guzum akulo ma a humzi nga ni djona d’uo na iram vam á hum mi an Ma didina ni,

Ndumba 18:14

Ahle suma Israel-lâ a mba tinizi irazi vazi mi an ki irazi fafatna, a mba arî mangâ.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Josue 6:17

Agi b’lagam mbei kahle suma kuruma pet, kayam azi nahle suma a tinizi irazi vazi mi Ma didinina. Ni Rahap pa gaulangâ hol ba, ei mba arat bei tchid’a ki suma a nga avo hatatna pet, kayam ndat ti ngei suma ei sunuzi adjeu á d’u yinina.