Sunda hi suma hi Levi-nid’a 26:6 - Bible azumeina

⁶ An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Sunda hi suma hi Levi-nid’a 26:6 Kruisverwysings

2 Amuleina 2:24

Mi mbut iram mi goloziya, mi gazi vuna ki simiyê Ma didina. Ata yi máma amburei suma arop suma a yazi ala ursâ-na mbà, a buzugï aduk agud’a, a mba vik gugureina dok fid’i yam mbà adigaziya, a kizagazi woi mbambak.

1 Sunda Hamuleinid’a 22:9

Wani ang mba vut gorâ, mba mi ka’î sama halasâ. An mba ni hum tuk tad’a, an mba ni pad’am mbei abo mam suma djangû suma a nguyum pet, a mba yum ala Salomon. Kur atchogoi mamba, an mba ni he lovota mi Israel-lâ a mba kak ki halasa bei va mi lazi ba.

2 Sunda Hamuleinid’a 20:30

Leud’a hi Josafat-ta ti kak ki halasa, Alo mama mi hum tuk tad’a ata yima lara ge pet mi.

Wana ni mbaktumba hi Job-pa 11:19

Ang mba bur kä bei sa mi lang va ba, ablaud’a a mba hal ndjunda atangû.

Wana ni mbaktumba hi Job-pa 5:23

Ang mba djin vunang kahuniyô suma abageina, amburei suma abageina a mba lang va d’uo mi.

Sawal la giled’a 144:14

Ar amuzlei mamina a zula. Ar suma a pleyêmi woi d’i, ar azi yomi magomba d’i, ar sa mi tchi avo hatami d’uo mi.

Sawal la giled’a 147:14

Nga mi mba ki b’leng nga halasa yam ambas maka, nga mi hobok kawu ma djivi ma kalâ mi.

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Sawal la giled’a 3:5

An nga ni yi Ma didina ki delen akulo, mam nga mi humun yam ahina mam mba mi tinit irat vata. Tchol ndjö

Sawal la giled’a 4:8

Wani furî d’a ang handji kurunda kal furî d’a azi nga furîyût ata yima awu mazina ki süm guguzlu mazid’a a le heîna.

Sawal la giled’a 85:8

Ma didina, ang tagami o mang nga didinda, ang sud’umiya.

Buzuk ka Abud’a 23:29

An mba ni digizi woi avorogi ni kur biza d’a tud’a tala ambasa mbut fula ba, amburei suma abageina a zul ba a vigigiya d’a d’i.

Zla d’a d’ogolâ 3:24

Ata yima ang bur kä na, mandarâ mba mi lang ngi; ata yima ang bur kä na, ang mba nde sena d’angzang.

Zla d’a d’ogolâ 6:22

A mba tagang lovota kur tit manga, a mba ngomong ata yi mang ma burâ, a mba dang zlad’a ata yima ang mba zlit akulona mi.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 31:26

Ni kayam ndata ba, an Jeremi ni dala: Ata yima an zlit akulona, sen mana mi djivid’a iran heî!

Ezekiyel 14:15

Le an ni tchuk amburei suma ayîna kur ambas ndata, a ngui kurut a dap suma woyo, le ti mbut djona d’oze sa nga mi kal kua d’uo abo amburei suma kurutna,

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Ezekiyel 34:27

Agu ma abageina mba mi vud’a, andagad’a mba d’i wul ahlena mi. Fata an mba ni kuzuzi djuk ma kelezina woi ni prud’uzi woi abo suma azi nga lazi sun nda magombid’a, azi mba kak ki halasa yam andaga mazid’a, azi mba wala an ni Ma didina mi.

Ezekiyel 5:17

An mba ni sunugï baktarad’a kamburei suma ayîna, a mba dabagi grogina woyo. Tugud’ei d’a tcho d’a tchi matna ki murud’umba kayî ma durâ a mba mba kagiya. Ni an Ma didina ba, nga ni dagiya.

Wana ni mbaktumba hi Oze-d’a 2:18

Ma didina mi de kua ala: Kur bur máma ndak mba d’i yan ala ndjuvunu, ndak mba d’i yan ala Bäl ma salana d’uo d’a.

Wana ni mbaktumba hi Oze-d’a 2:20

Kur bur máma an mba ni djin vunan ki sum mana kahle suma abageina kaluwei suma akulona kahle suma a dram kä yam andagad’ina mi, an mba ni kus yeûd’a ki mbigeu d’a fiyaka kahle suma dur ayîna woi pet kur ambasa, an mba ni arazi á tuk tazi ki halasa.

Sunda hi suma hi Levi-nid’a 25:18

Agi tid’igi yam gat manda, agi ngomogi vun man ma hed’a, agi lagi sunda kazi mi. Hina wani, agi mba kagagi ki halasa kur ambas magid’a.

Sunda hi suma hi Levi-nid’a 25:19

Ambas ndata mba d’i wulugi awuna, agi mba tagiya, agi mba hobogiya, agi mba kagagi kua ki halasa mi.

Sunda hi suma hi Levi-nid’a 26:22

An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Sunda hi suma hi Levi-nid’a 26:7

Agi mba digigi magi suma djangûna; azi mba puk kä avorogi abo mbigeu magi d’a fiyaka.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Wana ni mbaktumba hi Aze-d’a 2:9

Ni kayam ndata ba, subura hi gong nga danandid’a mba d’i kal la avoka. Ni kur yima wana ba, an mba ni hagi b’leng nga halasa. Wana ni zla d’a an Ma didin ma ad’engên kal petna ni data.

Zakari 9:10

An mba ni yo pus ma dur ayîna hi suma Efraim-mina woyo, an mba ni yo akulumei suma Jerusalem-ma woyo, an mba ni yo yeû d’a dur ayîna woi mi. Amul máma mba mi de zla b’leng nga halasa mandjaf suma, mba mi te leud’a gak avun dabid’a handagad’id’a, avun alum ma ngolâ abo hî abo hî mi.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Sunda hi suma a sunuzinid’a 12:6

Ata yima Herot mi min á ndum mbei abu yorogona, kur andjege ndata, Pierre mi nga burâ sena kä aduk azigarâ mbà, mi nga djinda ki kindjingâ mbà mi. Suma ndjola a nga tchola avun gonga á ngom suma dangeina.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.