Sunda hi suma hi Levi-nid’a 26:43 - Bible azumeina

⁴³ Ata yima azi mba ar ambasa blogozi djona woi deina, mba d’i mbut awilid’a yam biza mat ta sabat ta tuk tad’a. Ata yi máma azi mba fe ndaka kayamba azi noî vun man ma hed’a, a gol gat manda is mi d’a.

Sunda hi suma hi Levi-nid’a 26:43 Kruisverwysings

2 Sunda Hamuleinid’a 33:12

Ata yima mi nga kur ndakina, mi tchen Ma didina Alo mama, mi hulong yam kä avok Alona habuyom ngolona.

2 Sunda Hamuleinid’a 36:21

Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

Wana ni mbaktumba hi Job-pa 5:17

Gola! Sama Alona ngoboma mi le furîd’a! Kayam ndata, ang gol ngopa hi Ma ad’engêm kal petnid’a is si.

Sawal la giled’a 119:67

Avok ka an bei ge yan kä tua d’a, an vit teyo; ki tchetchemba, an nga ni ngom zla manga.

Sawal la giled’a 119:71

Ata yima an nga kur ndakina ni vama djivina kanu, kayam an tin ad’ud’a á hat gat manga.

Sawal la giled’a 119:75

Ma didina, an wala sariya mang nga kad’a ni d’ingêr; ni kur gagazid’a ba, ang hulongôn yan kä.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Daniel 9:14

Ma didina, ang nga mbami ndak ndata kami teteu, kayam ang Ma didina Alo mamina ni Ma d’ingêrâ kur sun nda ang nga lata pet. Wani ami humung nga vunang ngi.

Sunda hi suma hi Levi-nid’a 26:11

An mba ni min yi man ma kaka adigagiya, an mba ni gologi d’igi vama ndjendjed’a na d’i.

Sunda hi suma hi Levi-nid’a 26:15

le agi nga tchilagi tid’igi kam pet tuo, le agi gologi gata d’igi vama ndjendjed’a na, le agi bud’ugi vun man ma djinda woyo ni,

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Sunda hi suma hi Levi-nid’a 26:41

azi mba wala ni an ba ni tchol ad’enga ki sed’ezi ni izi yam ambasa hi mazi suma djangûnid’a mi, azi mba ge yazi kä yam hur mazi ma b’ala, azi mba wala azi le ni tchod’a mi.

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Romê-na 8:7

Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.