Sunda hi suma hi Levi-nid’a 26:42 - Bible azumeina

⁴² Ata yi máma an mba ni djib’er yam vun man ma djin ma an djinim kabuyozi ngolona, nala, ki Jakob ki Isak ki Abraham. An mba ni djib’er yam vun ma hle ma an hlum yam ambas mazid’ina mi.

Sunda hi suma hi Levi-nid’a 26:42 Kruisverwysings

Ad’u Tinda 15:18

Ni kur bur máma ba, Ma didina mi djin vunam ki Abram, mi dum ala: An hambas sa wanda ni mandjavangû; tinï ad’ud’a navun toliyon nda Ezipte-d’a dei gak mba avun alum ma Efrat-na,

Ad’u Tinda 26:2

Ma didina mi nde tam mbei iramu, mi dum ala: Ang i Ezipte d’i, ang ka’î yam andaga d’a an mba ni tagangzid’a.

Ad’u Tinda 26:24

Ma didina mi nde tam mbei iram kur andjege ndata, mi dum ala: An nAlona habung Abraham-ma; ang le mandar ri, kayam an nga ki sed’engû. An mba ni b’e vunan kangû, an mba ni zulung andjavang ngola yam azong mana Abraham.

Ad’u Tinda 26:5

kayam Abraham mi humun vunanu, mi ge yam kä ad’u zla manda ki vun ma he mana ki zla man nda an dumzid’a ki gat manda mi.

Ad’u Tinda 28:13

Gola! Ma didina mi nga akulo yam agu máma, mi dum ala: An ni Ma didina, Alona habung ngolo Abraham-ma, Alona habung Isa’â. Andaga d’a ang nga burâ kat wanda, an mba ni hangzi mi ang kandjavangû.

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Ad’u Tinda 35:11

Mi dum kua ala: An nAlo ma ad’engên kal petna; ang vud’a, andjavang zul ngola; andjaf suma kablaud’a hi sumid’a a mba buzugï ni kurungû, amuleina a mba buzugï ni kurung mi.

Ad’u Tinda 35:12

Andaga d’a an hat mi Abraham ki Isak-ka, an mba ni hangziya, an mba ni hat mandjavang ma a mba vud’um blogongâ mi.

Ad’u Tinda 9:15

Ata yi máma an mba ni djib’er yam vun ma djin ma an djinim ki sed’egi kahle suma ari suma lara ge pet ala: Mbina mba mi kus á b’lagazi woi pet tuo na.

Ad’u Tinda 9:16

Ata yima vir ma b’al alona mba mi nde woi aduk d’ugulina, an mba ni golomu, an mba ni djib’er yam vun man ma djin ma didin ma an Alona ni djinim kahle suma ari suma yam andagad’a petna.

Ester 4:14

Ndak le de va d’uo ni, ndjunda ki suta a mba tcholï ata yima dingâ yam Juif-fâ, wani ndak ki suma avo habu’â a mba tchagi woyo. Wani ni nge mi we ge, dam ni yam zla d’a hina d’a ba, ndak mba ini avo hamulâ kla ni ge!

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

Sawal la giled’a 136:23

Ni ma djib’er kei ata yima ei kur hohoud’ina, kayam o mamba nga d’i dap pi.

Buzuk ka Abud’a 2:24

Alona mi hum zam ta mazid’a, mi djib’er yam vun mam ma djin ma mi djinim ki Abraham ki Isak ki Jakob-ma.

Buzuk ka Abud’a 6:5

An hum zam tad’a hi Israel-lîd’a abo magom mba Ezipte-na a nga lazizid’a, an djib’er yam vun man ma djinda.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Ezekiyel 16:60

Hina pet pî, an mba ni djib’er yam vun man ma djin ma an djinim ki sed’ek ki gogorok deina, an mba ni djin vun ma djin ma didina ki sed’egu.

Joel 2:18

Ma didina nga mi hat hurum yam sum mama, nga mi wazi hohowozi mi.

Wana ni Zla d’a Djivi d’a Luc mi b’irita 1:72

Mam mba mi tak we hohou mamba woi mabuyoi ngolo, mba mi djib’er yam vun mam ma djin ma bei ka zlad’a ba na mi.

Gat ta a hat á mbàd’id’a 4:31

Kayam Ma didina Alo magina nAlo ma we hohowa sumina; mba mi aragi woi d’i, mba mi dabagi woi d’i, mba mi mar yam vun ma djin ma mi gun tam kam mabuyogi ngolona d’uo mi.

Gat ta a hat á mbàd’id’a 9:27

Ar ang djib’er yam azungeî mangâ Abraham, Isak ki Jakob! Ar ang djib’er yam zlad’a hi sum ndazinid’a kasa’at mazid’a ki tcho mazid’a d’i.

Suma ka sariyad’a 2:1

Malaikana hi Ma didinina mi tcholï Gilgal mi mba Bokim, mi de mi Israel-lâ ala: An buzugugï woi avo Ezipte, an mba wa ki sed’egi kur ambas sa an hle vunan kat mabuyogi ngolo ki gun tad’id’a. An dala: An mba ni but vun ma djin ma an djinim ki sed’egina woi dei gak didin.